IV MES DO TEATRO

A concellería de Cultura de Teo, dirixida por Carme Hermida, ultima este días os detalles do IV Mes do teatro que se desenvolverá durante o mes de outubro. Volve a apostar por unha programación continuada e variada de funcións teatrais. Este é o cuarto ano consecutivo que se realiza o Mes do teatro e nas anteriores edicións a resposta do público foi moi positiva. As actuacións serán todas no salón de actos do Centro Sociocultural da Ramallosa, o local máis axeitado pola súa capacidade e escenario para este tipo de eventos. Outra das características desta cita co teatro é que a programación busca a variedade e hai obras para un público familiar e outras funcións só para adultos.Este mesmo sábado comeza a programación desta actividade coa obra “Pes de lan” da compañía do mesmo nome, ás 18:30 horas. Trátase dunha obra dirixida a un público familiar.

Andaravía Teatro en Bos Aires

O venres 7 de outubro a compañía Andaravía Teatro, do veciño Concello de Vedra, presenta a obra “A cantante calva”. Trátase dunha peza dirixida a un público adulto polo que a actuación comezará ás 21:00 horas.

Vaia Tormenta, de Sapristi Teatro

O venres 14 será outra vez o momento dos máis pequenos, que poderán desfrutar de “Vaia tormenta” de Sapristri Teatro. Tendo en conta que o público desta función é familiar a hora á que comeza é as 18:30. O venres 21 Panamesiano Teatro ofrece a peza “Oh, que bonito é Panamá”, tamén para un público familiar, a partir das 18:30

horas.

O IV Mes do teatro pecha este ano o venres 28 ás 21:00 horas coa obra “O gordo e o calvo van ó médico” da compañía Os 7 magníficos + 1, esta vez destinada a un público adulto.

Inscrición para a marcha en BTT en prazo. Preme aquí 

MARCHA CICLOTURISTA EN BTT

• Data: sábado 10 de setembro.

• Punto de encontro: na Casa do Concello ás 9.30 h.

• Idade mínima: 12 anos.

• Sen límite de prazas.

• Inscrición: No Departamento de Deportes do Concello de Teo ata o 6 de setembro.

• Obrigatorio levar casco de seguridade e contar con autorización dos pais ou titores os menores de idade.

Máis información e ficha de inscrición

Neste momento xa está aberto o prazo para anotarse no Diverteo Xuño que terá lugar nos últimos días de xuño, onde xa non hai clases. O Diverteo está dirixido a nenos/as de 3 a12 anos e faise nos tres colexios do Concello, nos Tilos, na Ramallosa e en Calo en horario de 08:00 a 14:00 horas.

O Verán animado é un programa similar ó Diverteo pero realízase centralizado na Ramallosa. O prazo para participar nesta actividade que se fará en xullo tamén está xa aberto ata o 17 de xuño. O Verán animado divídese nas dúas quincenas de xullo podendo participar segundo as necesidades nunha das dúas ou inscribirse nas dúas completando o mes. O horario tamén é de mañá.

Durante o mes de xullo tamén se realizará un campamento deportivo organizado pola Deputación da Coruña no Colexio Calvo Sotelo da Coruña. Os rapaces de entre 9 e 13 anos de Teo teñen 12 prazas ó seu dispor. Para poder participar deben entregar a súa solicitude no Rexistro Xeral do Concello antes do 4 de xuño.

A información específica sobre cada programa, coas cotas de participación e prazos e lugares de inscrición poden consultarse premendo aquí ou no propio Concello, no departamento de Deportes (981 815 700).

Campamentos en agosto

Os campamentos infantil e xuvenil realizaranse en agosto e a inscrición abrirase entre o 25 de xuño e mediados de xullo. O campamento infantil está dirixido a cativos/as de entre 7 e 13 anos e desenvolverase no albergue de Santa Cruz de Oleiros entre o 4 e o 12 de agosto. Normalmente é das actividades do verán que conta con máis demanda e ten 100 prazas dispoñibles. O xuvenil está dirixido a rapaces/zas de entre 13 e 18 anos e terá lugar entre o 13 e o 24 de agosto con 50 prazas dispoñibles.

Maio-Xuño Cultural

MAIO

• Teatro para adultos: LIFE IS A PARIPÉ de Obras Públicas. (sábado 14, ás 21:00h no Centro Sociocultural da Ramallosa)

Espectáculo finalista na XIV edición do Premios Max representando á nosa comunidade na categoría do mellor espectáculo revelación. 2 Premios María Casares: á mellor actriz protagonista (Iolanda Muiños) e á mellor música orixinal (José Luis Prieto e Mos).

• Andaina á beiras do Ulla (domingo 15 ás 10:00 h na Igrexa de Vilariño. Chegada ao mesmo punto á 17:30, aproximadamente).

Ruta ás Beiras do Ulla

Para participar nesta actividade non é preciso anotarse. Se decide participar a última hora é suficiente con que se achegue ó punto de saída o día e á hora prevista. Sen embargo dende o Departamento de Deportes recomendan comunicalo con antelación por teléfono (981 815 700) ou persoalmente na Casa do Concello na Ramallosa. A organización tamén informa de que os participantes deben levar a comida xa que se prevé parar na zona da Burga sobre as 14:00 horas para comer.

A ruta está planificada polo arquiveiro municipal, Pablo Sanmartín, unha das persoas que mellor coñece o rico patrimonio do Concello de Teo. Segundo explica el mesmo a ruta daralle protagonismo ó río Ulla e ós seus afluentes o río Pereiro e o Santa Lucía, e percorrerá o sur do Concello cun importante protagonismo de parroquias como Vilariño, Reis, Teo ou Lucí.

O responsable do arquivo municipal destaca que esta actividade permitiralle ós sendeiristas coñecer dous pazos de gran valor patrimonial. Un en Santa María de Teo, o Pazo de Noceda ou Casa dos Marqueses de Astariz, onde parece que tiveron lugar as primeiras xuntanzas plenarias do Concello. Neste pazo residiu ademais a única familia con título nobiliar de Teo, os Marqueses de Astariz, sendo un dos Marqueses alcalde teense entre os anos 1924 e 1929, D. Alejandro Torrado. Da arquitectura do pazo destaca o seu patio de armas, a súa galería sobre pilastras e a súa gran chimenea.

Durante a xornada a andaina fará incursións nos limítrofes concellos de Vedra e A Estrada. E será neste último, na parroquia de Couso, onde se poderá ver o pazo de Maíndo, o edificio que mellor pode testemuñar o esplendor da nobreza das terras de Vea. O pazo foi construído no século XII e reedificado no XVI pero aínda mantén restos da súa fábrica románica como os arcos da entrada con varios escudos nobiliarios.

A ruta deixará tempo tamén para ver a igrexa de San Cristovo de Reis, as casas grandes das aldeas de Valiñas, Pazos e o Calvario, as vistas do Pico Sacro ou os castros de Lucí e Santa Marta.

• Obradoiro interactivo “Hip-hop /poema pop”: improvisación musical, confección de rimas, graffiti e break dance” (luns 16, ás 18:30 horas na Casa Común de Os Tilos)

Actividade pensada para mozos e mozas a partir de 12 anos, a cargo de José Canosa (contrabaixista) e Juan Carlos Vázquez (pianista e compositor). A actividade comenza coa selección de textos poéticos rimados e con métrica de entres os libros dispoñibles na biblioteca. Unha vez elexidos musicaranse con acompañamento de piano, contrabaixo e as voces e as percusións dos participantes(os instrumentos de percusión serán facilitados polos músicos). Finalmente interpretaranse a xeito de concerto express. Para participar é necesario apuntarse previamente antes do 14 de maio directamente nas bibliotecas do Concello, no Departamento de Cultura ou chamando aos teléfonos 981 80 64 00 e 981 81 57 00(aforo limitado).

XUÑO

• Programa Música nos Tilos: Najla Shami & Héctor Lorenzo (Venres 3 ás 22:30 horas no Parque dos Tilos)

• Teatro Infantil-familiar: Auga e area, de Teatro do Andamio (sábado 4 ás 18:00 h no Centro Sociocultural da Ramallosa)

Area e auga, de Teatro do Andamio

• Programa Música nos Tilos: Jazzologia (venres día 10 ás 22:30 h no Parque dos Tilos)
• Teatro Infantil-familiar: Leo e as estrelas de Zás-Candís! Teatro (sábado 11 ás 18:00 h no Centro Sociocultural da Ramallosa)
• Programa Música nos Tilos: Aline Fraçao (venres 17 ás 22:30 h no parque de Os Tilos)
• Contacontos Infantil: Contos que veñen de lonxe, de Vilano Produccións (sábado 18 ás 18:00 h na Mediateca do Grilo)
• Programa Música nos Tilos: Xacobe Martínez Antelo Trío (venres 24 ás 22:30 h no Parque dos Tilos)

• Contacontos infantil-familiar: O recuncho dos contos de Pinga Teatro (sábado 25 ás 12:00 h na Casa Común de Os Tilos)

As silenciadas

Para comezar o venres 29 de abril ás 20:30, na Mediateca do Grilo, a Asociación A Oliveira proxectará o documental “As silenciadas” de Pablo Ces do que é director Pablo Ces, quen tamén elaborou o guión do filme, conxuntamente con Aurora Marco.
A profesora Aurora Marco levou adiante, durante cinco anos, un traballo de campo por toda Galicia, para coñecer de primeira man novas de mulleres, que foron protagonistas de feitos relacionados coa Guerra Civil de 1936 e coa guerrilla antifranquista. Se o franquismo intentou borrar da Historia os vencidos, no caso das vencidas, das mulleres, a nube que as oculta é, se cabe, moito máis espesa, nunha sociedade na que aínda campan os valores do machismo. Rachar este veo de silencio é o que se propuxo Aurora Marco coa súa investigación, que sairá en breve á luz, nun libro do que nos parece evidente o seu interese para todas e todos aqueles que queiran coñecer feitos históricos que se negaron, ocultaron ou manipularon.
Pablo Ces, o director, acompañou durante un ano a profesora Aurora Marco. Froito da colaboración entre eles os dous é o documental do que trata esta nota de prensa, que se vai proxectar en Teo o vindeiro 29 de abril. O filme achéganos a seis mulleres galegas, en representación doutras moitas, que deron soporte ao movemento guerrilleiro, e á represión que sufriron moitas por facelo. “É como unha película de espías pero a realidade, neste caso, supera a ficción”, explica o realizador, que defende que o papel deste colectivo foi “o máis importante e o máis perigoso” durante a represión. Temos a sorte de contar coa presenza de Pablo Ces, e tamén coa da profesora e investigadora Aurora Marco, que, neste acto, nos falarán deste filme e da memoria.

O Noso Gustok

Para o día 30, ás 21:30 horas, o Concello de Teo organiza este sábado “O noso Gustok”. Componentes das bandas da comarca de Compostela e do Concello interpretaran ” o seu xeito” as pezas máis emblemáticas do concerto de Woodstock do ano 1969. Todo isto nun enclave tan espectacular como é a carballeira de Francos.

O deporte queda para o día 1 de maio. O Concello de Teo recolle o testigo da Asociación Veciñal Raviña Valdés de Cacheiras e organiza a Carreira Pedestre Batalla de Cacheiras 2011 Concello de Teo que terá lugar o 1 de maio. Trátase dunha competición deportiva que se realiza dentro dos actos conmemorativos da Batalla de Cacheiras, que tivo lugar precisamente o 23 de abril de 1846.

A Concellería de Deportes organiza a carreira que contará co control técnico da Federación Galega de Atletismo (Delegación de Santiago). A proba, na que poderán participar atletas federados e non federados, comezará a partir das 11:00 horas e a secretaría da competición estará situada no Colexio da Ramallosa.

Para anotarse na carreira hai que enviar un correo electrónico a deportes@concellodeteo.com ou facelo persoalmente no departamento de Deportes municipal, na Casa do Concello -A Ramallosa-. Na inscrición hai que facer constar o nome e apelidos, data de nacemento completa, localidade de procedencia, clube e número de licenza federativa ou seguro escolar (se o ten), teléfono de contacto ou correo electrónico. O prazo para inscribirse remata o xoves 28 de abril ás 22:00 horas. Cabe destacar que non se admitirán inscricións fóra do prazo establecido ou o día da proba. Para ter máis información telefónica pódese usar o número 981 815 700 e porse en contacto cos técnicos de deportes municipais.

Carreira Pedestre Batalla de Cacheiras

A saída da carreira farase dende o CEIP da Ramallosa. A partir da categoría junior (atletas nados entre 1993 e 1989) o circuíto será de 10.500 metros aproximadamente. As categorías de atletas máis novos, pitufos, prebenxamín, benxamín, alevín, infantil -cadete- e xuvenil realizarán percorridos máis curtos que van entre o 200 metros e os 3.500 metros.

Sobre os premios e agasallos como norma xeral establécense para os tres primeiros clasificados das categorías participantes en mulleres e homes. Pero tamén haberá recoñecementos específicos para o participante máis novo e o máis veterano que rematen a carreira ou para o colectivo de Teo que achegue máis participantes ou o primeiro clasificado de Teo en cada categoría.

Firmas colaboradoras

O Concello agradece a colaboración de diversas firmas comerciais: Hotel Congreso, Restaurante San Martiño, Asador O Carmelo, Restaurante Novo Peteiro, Café-Bar Bustelo, Restaurante Canaletto, Casa Nerea, Casa Armando Blanco, Café-Bar Beto`s, Restaurante Pórtico, Restaurante Peteiro, Restaurante O Viñedo, Restaurante O Son do Miño, Restaurante Pazos Méndez, Parrillada A Doma, Café-Bar Santa Sede, Parrillada La Granja, Restaurante Avenida, Casa Neira e Café-Bar A Senra.

E queda un anuncio para próximas datas. O día 15 de maio, a Concellaría de Deportes organiza  unha ruta de sendeirismo que ten como protagonistas o río Ulla e os seus afluentes o río Pereiro e o Santa Lucía. A andaina percorre pola parte Sur do Concello con pequenas incursións nos Concellos de Vedra e A Estrada (xa en Pontevedra). Á marxe do patrimonio relacionado cos ríos coma as pontes (Ponte vella de Pontevea) e pontellas, pesqueiras, muiños… a ruta permitirá coñecer os sendeiristas dous pazos de gran valor patrimonial.

Sendeirismo á beira do Ulla

Por unha banda o Pazo do Noceda ou Casa dos Marqueses de Astariz en Santa María de Teo, onde se conta que tiveron lugar as primeiras xuntanzas plenarias do noso Concello, que adoptou o nome da citada parroquia. Neste pazo residiu a única familia con título nobiliar do Concello de Teo, os Marqueses de Astaríz. Un dos marqueses máis coñecidos foi D. Alejandro Torrado del Río, un dos alcaldes máis apreciados polos teenses (1924-1929). Un pazo que reflexa a influencia do barroco compostelá e lembra os pazos de Vedra, salienta o seu patio de armas, a súa galeria sobre pilastras e a súa gran cheminea.

Por outra banda, xa no Concello da Estrada e na parroquia de Couso imos visitar o pazo que mellor pode testemuñar -ademais de ser o máis antigo- o vello esplendor da nobreza das terras de Vea e a súas relacións co poder eclesiastico, o pazo de Maíndo. Foi construído no século XII, pero reedificado no século XVI, malia todo conserva restos da súa primitiva fábrica románica coma os arcos de entrada con varios escudos nobiliares. Coa súa reconstrucción perde o seu caracter de fortaleza militar e muda nunha casa grande de labranza onde residían os administradores do Pazo. Estivo vencellado os linaxes dos Bendaña e posteriormente cos Reino, Castro e Ximonde. Sábese que o Bispo de Mondoñedo, Alvaro Núñez de Isorna e Bendaña pasou a controlar a torre por concesión do arzobispado de Compostela. Tralo dominio dos Suárez de Reino, foi tamén a primeira residencia do Capitán Xeneral do reino de Galicia, Pedro de Cisneros, chegado de Castela. Finalmente no século XVII a través de varios enlaces familiares o pazo chega o control dos Ximonde (que residian no pazo de Ximonde en Vedra pero tiñan administradores no Pazo para o control das pesqueiras do Ulla). Como fito curioso sinalar que foi a residencia elexida polo xeneral Francisco Franco para aloxarse durante as súas visitas o Couto de Pesca do Couso. Na actualidade pertence a familia Lissarrague. O pazo pertence a parroquia do Couso onde naceu segundo a lenda a famosa bandoleira galega Pepa a Loba.

No camiño de regreso destacan a igrexa de San Cristovo de Reis, que aínda conserva algúns vestixios da primitiva construcción románica na súa ábsida rectangular, as casas grandes das aldeas de Valiñas, Pazos e o Calvario, as vistas do Pico Sacro e os castros de Lucí e de Santa Marta (na primeira parte do percorrido pasamos a rentes da súa muralla), o cruceiro de Samar, os muiños de Piñeiro e Freixeiro, etc…

Salientar tamén que a andaina atravesa espazos naturais protexidos polo actual PXOM (carballeira de Agromaior), e áreas de lecer coma a da Burga de Xermeade (fonte de augas sulfurosas) e a famosa área do Xirimbao coa súa ponte colgante.

-ALM OS TILOS
MÉRCORES 20 A LUNS 25 (INCLUIDOS): PECHADA

1. Persoas de maior idade
2. Pensionistas de máis de 50 anos
3. Persoas que on teñan asistido o ano anterior a esta actividades.

Programa de actividades

Se quedan vacantes, cubriranse con aquelas persoas que non pertenzan a estes colectivos, tendo preferencia as de máis idade e despois as persoas que non tivernan asistido no ano anterior.

Os obradoiros son os que seguen:

• Activarte: Consiste en talleres dinámicos de expresión de calquera tipo (artístico, persoal, emocional…), para desnvolver a intelixencia emocional e as relacións interpersoais. Faranse exercicios que estimulen as facultades creativas e aprenderanse técnicas para dar forma ás creacións. Non é preciso ter coñecemento previo de ningunha disciplina artística. O horario será os martes e xoves de 11.00 a 12.00. Será de 15 prazas.
• Bolillos: Os Mércores de 18:30 a 20:30 horas. Serán 10 prazas.
• Manualidades: Os xoves de 17.00 a 19.00 horas. As prazas serán 15.

O prazo de inscrición será de 11 a 30 de abril podendose apuntar a través de Servizos Sociais (981 80 97 00) ou persoalmente no propio local en horario de tarde (16:30 a 20:30). O comezo das actividades será o 3 de maio.