Feeds:
Artigos
Comentarios

Archive for the ‘Libros’ Category

Despois da posta en marcha da semana do libro co título “UN LIBRO UNHA APERTA” continuamos dende a Concellería de Cultura, Educación, Administración e Relacións Veciñais coas programacións telemáticas neste caso para todo o mes de maio co programa Festa dixital das letras teenses.

O obxectivo principal desta iniciativa é homenaxear e poñer en valor o noso, conmemorando de xeito virtual as letras na escrita e na oralidade que se foron espallando en Teo tanto antes do confinamento como durante este, e que estiveron e están presentes nas realidades das diferentes esferas culturais dunha boa parte do Concello de Teo.

Baixo o lema Festa dixital das letras teenses enmarcamos unha serie de accións culturais virtuais que xirarán arredor da recompilación, divulgación, conservación e a posta en valor das letras que se foron materializando, publicando e espallando polo noso territorio. Levaranse a cabo en colaboración de distintas entidades que axudan a tecer e medrar o noso Concello no eido educativo e cultural das letras como son: asociacións, colectivos, centros educativos, librerías, escritores e escritoras, contadores e contadoras, compañías teatrais e veciñanza en xeral. Estas publicaranse diariamente entre o 1 e o 31 de maio no https://www.facebook.com/bibliotecas.municipais.deteo/

A Festa dixital das letras teenses, pretende simbolizar a través das redes por unha banda o poder das letras na cultura do noso municipio, e pola outra a esperanza de retomar pouco a pouco cada unha destas actividades culturais cando superemos este escenario de crise. Con este programa quixemos enfiar unha boa parte destas iniciativas nestes momentos de semiapertura e envialas como un aloumiño cultural tanto ás familias como aos veciños e veciñas que están nas súas casas aínda co confinamento. Tamén quixemos tecer unha pequena homenaxe as entidades e persoas colaboradoras que tanta cultura levan sementando na nosa terra.

Dende esta Concellería creemos firmemente no talento da nosa cultura local, e seguiremos apoiando e apostando por ela. Cando todo isto pase, queremos volver a vernos de novo con máis forza que nunca nas asociacións, nas casas comúns, nas bibliotecas, nas librerías, nos teatros, nos auditorios, nas rúas, nas festas, nos eventos e demais espazos de cultura do noso Concello. Moitas grazas pola vosa colaboración, enviámosvos o noso ánimo, tranquilidade, solidariedade, comprensión e responsabilidade persoal e colectiva para todos e todas.

Podedes consultar a programación detallada e as entidades colaboradoras Podedes seguir o programa nas seguintes redes sociais:
Facebook: https://www.facebook.com/bibliotecas.municipais.deteo
Twitter: https://twitter.com/bibliosteo
Youtube: https://www.youtube.com/channel/UCKBI95wPtlBXkUqYI-51i3A

 

Read Full Post »

A continuación imos comentar un pouco as actividades que teremos nesta Semana do Libro. Agardamos que sexan interesantes para vós e axuden a levar un pouco este mellor este confinamento:

ESCOITANDO LIBROS

Trátase dunha selección feita pola Bibliotecas Municipais de Teo de recursos en liña para poder escoitar audiolibros de balde. O audiolibro pode definirse como, en principio, a conversión dun libro en papel en formato de audio. esta definición queda un pouco curta, xa que unha das características principais deste cambio de formato é que quen narra non se limita a unha lectura lineal do texto e debe imprimir emocións á voz narradora polo que os ointes adquiren niveis de realismo e de emocións que superan a velos, por exemplo, os representados nunha pantalla. Tamén resulta de moita utilidade a persoas con dificultades co idioma, con problemas de aprendizaxe ou de comprensión lectora…. permitindo unha accesibilidade ás obras literarias que doutro xeito terían máis complicado. Tamén inclúe algúns formatos que, sen ser estrictamente audiolibros, están moi preto (por exemplo ficcións sonoras, nas que un cadro de actores a actrices interpretan un texto solo coa voz e recursos sonoros).

XOGO DA BATALLA: ¿QUE SABES DA BATALLA DE CACHEIRAS?

Xogo creado pola Aula de Informática do Concello de Teo para poñer a proba os vosos coñecementos sobre a Batalla de Cacheiras que conmemoramos na mesma data que o Día do Libro.

Podes acceder aquí 

SORTEO “CAL É O TEU LIBRO FAVORITO?”

Este sorteo farase toda a semana en colaboración coas librerías teenses a través da páxina de Facebook das Bibliotecas Municipais de Teo. Consiste en que cada persoa, familia ou neno ou nena a través da publicación “¿Cal é o teu libro favorito?” dean me gusta e o mesmo tempo escriban o nome do seu libro favorito cun pequeno comentario. Para poder participar tedes que ser veciños de Teo con residencia no Concello. Temos 12 libros a repartir (1 por participante) .Cando remate a semana, se hai máis participantes que libros farase o sorteo a través dunha ferramenta online de xeito trasparente, aleatorio e automático.Unha vez teñamos os gañadores, faremoslle chegar os libros á casa. Anímate a participar porque os libros están agardando polos seus gañadores para chegar nesta época do confinamento directamente das librerías participantes ás vosas casas.

Cal é o teu libro favorito?

CONTACONTOS FAMILIAR CON LOLA E NEREA (20 DE ABRIL)

Para abrir a Semana do Libro en Teo (“Un libro: unha aperta”), Lola e Nerea contan un dos primeiros contos nos que colaboraron . Lola é unha mamá veciña de Balcaide, que xunto coa súa filla teñen un proxecto de libros infantís e contacontos cunha forte mistura de contido didáctico e lúdico (algúns deles foron autoeditados para seren empregados como material na clase de infantil de Nerea) . Un dos seus contos foi presentado nun libro colectivo en Aveiro (Portugal).
Tamén colaboran nun proxecto de Xavier Frías Conde para recadar fondos mediante un libro solidario (O canto da coruja) para a Casa Búho de Manabí (Ecuador) para converter un contenedor en biblioteca e sala de cinema para os cativos da zona e, ademais, teñen publicados varios microrrelatos no blog do escritor que podedes consultar en https://cantaelbuho.blogspot.com/2020/03/seis-microcuentos.html.
Lola comezou a escribir e ilustrarlle os contos a Nerea cando aínda era moi pequena para fomentarlle o gusto pola lectura e que lle servisen, ao mesmo tempo, para a súa formación. En pouco tempo, a cativa comezou a colaborar no proxecto coas súas suxestións, ideas e correccións primeiro, e máis adiante, dunha forma más activa na creación a catro mans dos textos coas súa nai que segue ilustrando.

OBRADOIRO DE MARCAPÁXINAS CON DAVID ORIHUELA (21 DE ABRIL)

Vídeo tutorial a cargo do artista plástico David Orihuela. Explicará como crear un marcapáxinas, sinalador, punto de lectura ou separador para os más pequenos que nos servirá para manter o punto exacto onde queda detida temporalmente a lectura dun libro e así poder voltar con facilidade. Empregará materiais moi sinxelos e que as familias poden ter pola casa.

LECTURA DRAMATIZADA DE MARINA NIETO (22 DE ABRIL)

Marina Nieto, de Palabras Viva fará a lectura de “Conto de María”, relato pertencente a Xente no rodicio , escrito por Neira Vilas.

POSTA EN LIÑA DO LIBRO CONMEMORATIVO DO 170 ANIVERSARIO DA BATALLA DE CACHEIRAS (23 DE ABRIL)

Co gallo da celebración do Día do Libro e do Día da Batalla de Cacheiras subiremos á Rede a publicación do libro 170º aniversario da Batalla de Cacheiras, e acompañaremos isto cunha lectura dramatizada do texto Aniversario, que Manuel Murguía escribira no xornal La Oliva, por Marina Nieto de Palabras Vivas, e o vídeo “Conectando coa batalla” narrado por X. M. Lema.

PICTOCONTO CON DAVID ORIHUELA (24 DE ABRIL)

Da man do artista plástico e animador sociocultural David Orihuela teremos un pictoconto, no cal, a través de debuxos e ilustracións feitos en directo, contará como Gato Chiky quedou atrapado nunha pompa de moco que sae pola fiestra e comeza unha singular aventura

CONTACONTOS CON PAULA CARBALLEIRA (25 DE ABRIL)

A nosa veciña de Oza, a escritora, contadora e actriz Paula Carballeira ofreceranos un conto en liña titulado 400 camelos, adicado a tódalas familias de Teo. Unha adaptación libre dun texto do autor angolano José Eduardo Agualusa.

LECTURA TEATRALIZADA CON LOIS BLANCO (26 DE ABRIL)

Pechará a semana do libro o noso veciño, o escritor, director e actor Lois Blanco que fará a lectura dramatizada do texto “Sen ir máis lonxe” de Roberto Vidal Bolaño (autor, director e actor teatral galego pioneiro da dramaturxia profesional en Galicia)

Read Full Post »

A Concellería de Cultura e Educación de Teo, presenta este ano por mor das circunstancias especiais provocadas polo estado de Alarma, un programa a distancia, a través de medios telemáticos para a semana do libro con título “UN LIBRO UNHA APERTA”.

Dito programa abarcará dende o día 20 ata o 26 de abril, e contará con varias actividades que queren poñer en valor o Día do Libro, e o Día da Batalla de Cacheiras. No noso concello conmemóranse as dúas efemérides o día 23 de abril, por unha banda o día do Libro, e por outra o Día da Batalla de Cacheiras, por coincidir este día co comezo da Batalla.

Nunca antes fora tan necesario e fundamental celebrar este día dun xeito tan especial, debido ás circunstancias que están a acontecer, é agora cando lembramos a importancia dos libros nas nosas vidas, e onde cobran máis sentido que nunca, facendo comunidade, e conectando ás familias lectoras nunha época, na que a lectura axuda a paliar o illamento e a soidade.

Por este motivo, enmarcamos esta semana baixo o lema UN LIBRO UNHA APERTA, co que pretendemos simbolizar o poder da lectura nestes momentos, e transmitilo como unha caricia á alma das persoas e dos libros, como aperta que nos proporciona un refuxio e nos da afecto, consolo, e ao mesmo tempo nos da liberdade e alas á nosa imaxinación.

O programa levarase a cabo coa colaboración de varios escritores, contadores e persoas relacionadas co mundo do libro e das bibliotecas, así como cas librerías do Concello.

Nas  seguintes redes sociais iremos publicando e actualizando os contidos:

Facebook: https://www.facebook.com/bibliotecas.municipais.deteo

Twitter: https://twitter.com/bibliosteo

Youtube: https://www.youtube.com/channel/UCKBI95wPtlBXkUqYI-51i3A

Read Full Post »

A sección de narrativa para adultos da Mediateca do Grilo ven de fornecerse por obras interesantes:

Guerra y Paz de Leon Tolstói:

Guerra y paz é un clásico da literatura universal. Tolstói é, con Dostoievski, o autor máis grande que ten dado a literatura rusa. Guerra y paz traduciouse poucas veces ao español e a edición que presentamos é a mellor traducida e mellor anotada. Reeditado aquí nun formato máis grande e lexible a traducción de Lydia Kúper, a única traducción auténtica e maxistral do ruso que existe no mercado español. A traducción de Laín Entralgo publicouse hai máis de trinta anos e presenta deficiencias de traducción. A traducción de Mondadori fíxose en base a unha edición de Guerra y paz publicada hai uns anos para revender a novela pero é unha edición que non se fixo a partir do texto canónico, incluso ten outro final. A edición de Mario Muchnik contén uns anexos cun índice de todos os personaxes que aparecen na novela, un índice que desglosa o contido de cada capítulo e outro apéndice coa traducción de todos os fragmentos que no orixinal aparecen en francés.

Cometas en el cielo de Khaled Hosseini:

Sobre o fondo dun Afganistán respetuoso das súas ricas tradicións ancestrais, a vida en Kabul durante o inverno de 1975 se desenvolvese con toda a intensidade e o colorido dunha cidade confiada no seu futuro e ignorante de que se avecina un dos periodos máis cruentos e tenebrosos que padeceron os milenarios pobos que a habitan. Cometas en el cielo é a conmovedora historia de dous pais e dous fillos, da súa amizade e de cómo a casualidade pode cambiar o noso destino. Obsesionado por demostrarlle ao seu pai que xa é todo un home, Amir proponse gañar a competición anual de papaventos da forma que sexa, incluso a costa do seu inseparable Hassan, un hazara de clase inferior que é o seu criado e compañeiro de xogos dende a máis tenra infancia. A pesar do forte vínculo que os une, despois de tantos anos de haberse defendido mutuamente de todos os perigos imaxinables, Amir aproveitase da fidelidade sen límites do seu amigo e comete unha traizón que os separará de forma definitiva. Así, con apenas doce anos, o xoven Amir lembrará durante toda a súa vida aqueles días nos que perdeu un dos tesouros máis prezados do home: a amizade.

 La nieta del señor Linh de Philippe Claudel:

Unha fría mañá de novembro, tras unha penosa viaxe en barco, un anciano desembarca nun país que podería ser Francia, onde non coñece a ninguén e cuxa lingua ignora. O señor Linh fuxe dunha guerra que rematou coa súa familia e destrozado a súa aldea. A guerra rouboulle todo menos á súa neta, un bebé chamado Sang Diu, que na súa lingua significa «Maña doce», unha nena tranquila que durme sempre que o avó tararee o seu cantar de berce, a melodía que cantaron durante xeracións as mulleres da familia. Instalado nun piso de acollida, o señor Linh sólo se preocupa pola súa neta, a súa única razón de existir ata que coñece ao señor Bark, un home robusto e afable que perdeu a súa muller recentemente. Un afecto espontáneo xurde entre estos dous solitarios que falan distintas linguas, pero que son capaces de comprenderse en silencio e a través de pequenos xestos. Ambos se atopan regularmente nun banco do parque ata que, unha mañá, os servizos sociais conducen ao señor Linh a un hospicio que non está autorizado a abandonar. O señor Linh consegue, sen embargo, escapar con Sang Diu e adentrarse na cidade descoñecida, decidido a atopar ao seu único amigo. A súa coraxe e determinación conducirano a un inesperado desenlace, profundamente conmovedor.
Tras o enorme éxito de Almas grises, Philippe Claudel volve a causar un grande impacto con esta exquisita fábula sobre o exilio e a soidade, ou o que é o mesmo, a loita por preservar a identidade. O seu estilo narrativo extremadamente depurado, case que minimalista, marca un punto de inflexión na traxectoria de Claudel, gañador do Premio Renaudot 2003. La nieta del señor Linh foi recibida con entusiasmo en Francia, onde permanece nas listaxes dos libros máis vendidos dende a súa aparición. Eloxiada unánimemente pola crítica e o público, venderonse máis de 200 mil exemplares e se publicará en once linguas.

Martín Ojo de Plata de Matilde Asensi:

Para salvar a súa vida, aa joven Catalina Solís ten que adoptar a personalidade do seu irmán Martín Nevares, morto no Caribe durante unha abordaxe dos piratas ingleses á súa galera. Despois de dous anos nunha illa deserta e facéndose pasar por Martín, moi pronto transformase no contrabandista Martín Ojo de Plata. Así se inicia unha aventura que a levara ata a Sevilla imperial para entre outras cousas poder cumplir o xuramento feito ao seu pai adoptivo de rematar cunha importante familia de comerciantes a Indias, os Curvo.O contrabandista Martin Ojo de Plata e a elegante e resuelta Catalina, nos pasean polos finais do século XVI e o principio do XVII (pleno Século de Ouro) para mostrarnos toda a riqueza, miseria e complexidade que esa época conleva.Asensi coa súa maestria habitual transforma o aburrido descubrimento de América, as colonias e  o comercio entre os dous mundos, con pirateria incluida, nun relato de acción que, cun marco historico riguroso, desmonta moitos dos tópicos da época.Esta gran saga d Século de Ouro iniciase con Tierra firme e continúa con Venganza en Sevilla, e concluirá moi pronto cunha nova entrega, o esperado final que millóns de lectores agardan.

Read Full Post »

Xa podedes desfrutar cun dos libros que máis impacto está a ter, respaldado polo recente estreno da película.  Narra como unha guerra pola supervivencia deixa a Norteamérica dividida en 13 distritos controlados polo Capitolio, un lugar onde é posible ter todo o que un queira. Pero chegaron os Días Escuros, cando os distritos loitaron pola supervivencia e por saír da decadencia. O Capitolio, grazas as súas avanzadas tecnoloxías, consegue a sumisión de doce distritos e a aniquilación do decimoterceiro; e para que todo o mundo lembre que os Días Escuros non se deben repetir trae consigo “Los Juegos del Hambre”, unha sanguenta competencia na que un mozo e unja moza de cada distrito deben loitar a morte, sen normas: o que perde morre, o que gaña terá a fama de todo Panem e todas as riquezas inimaxinables.

Xa pasados setenta e catro anos dos Días Escuros, a xente de Panem está acostumada a traballar ata esgotarse e morrer, pero uns poucos valentes arriscanse a loitar e desafiar ao Capitolio; Katniss Everdeen, unha moza de 16 anos cruza todos os días a alambrada do Distrito 12 para cazar no bosque e comercializar as presas; a única saída para sobrevivir.

Na colleita dos participantes (ou tributos) dos septuaxésimo cuartos Xogos da Fame ofrecese voluntaria para salvar a súa irmá Prim dunha morte segura (quen sólo ten 12 anos); ela e o seu compañeiro de distrito, Peeta Mellark, se aventuran a unha area, onde poderían morrer en segundos: cada despiste é unha invitación á morte. Todo cambia cando Peeta e Katniss vense obrigados a finxir un amor para diversión do Capitolio, pero nun acto para quedar ambos superviventes, se ven vistos como iconas dos rebeldes. Ao chegar á area, os 24 competidores comezan unha loita de supervivencia onde solo un sobrevivirá.

Se queredes levar o libro, tédelo á vosa disposición na Mediateca do Grilo.

Read Full Post »

Nas Bibliotecas Municipais tamén somos conscientes dos problemas que estamos a pasar no emprego, así que deixamos á disposición d@s usuari@s unha serie de manuais que agardamos poidan servir para reforzar a formación de diversos oficios. Quen sabe se poden abrir as portas a un futuro emprego!!. En calquera caso tédelos á vosa disposición na Mediateca do Grilo.

Read Full Post »

Un ano máis chega o 21 de marzo, establecido pola UNESCO como o día en que celebramos o Día da Mundial da Poesía. Dende as Bibliotecas Municipais de Teo queremos unirnos a esta celebración, e conscientes de que este xénero parece seguir a ser minoritario nos nosos préstamos queremos fornecer estos xéneros con centros de interese nas nosas axencias e deixando unha selección de lecturas para @s máis nov@s, para que dende pequenos podan desfrutar da súa lectura.  Hai moitos máis nas nosas Axencias. Entrade e desfrutade. FELIZ DIA DA POESÍA!!!!!!!!!

Read Full Post »

Older Posts »

Bibliotecas Municipais da Coruña

Benvido ao blog das nosas bibliotecas

A Grileira

Blog das Bibliotecas Municipais de Teo

WordPress.com

WordPress.com is the best place for your personal blog or business site.