Feeds:
Artigos
Comentarios

Archive for the ‘Literatura Infantíl’ Category

Un ano máis chega o 21 de marzo, establecido pola UNESCO como o día en que celebramos o Día da Mundial da Poesía. Dende as Bibliotecas Municipais de Teo queremos unirnos a esta celebración, e conscientes de que este xénero parece seguir a ser minoritario nos nosos préstamos queremos fornecer estos xéneros con centros de interese nas nosas axencias e deixando unha selección de lecturas para @s máis nov@s, para que dende pequenos podan desfrutar da súa lectura.  Hai moitos máis nas nosas Axencias. Entrade e desfrutade. FELIZ DIA DA POESÍA!!!!!!!!!

Read Full Post »

Xa está aquí o Entroido non noso Concello. Tras o frustrado intento de Oza, parece que este fin de semana Reis sí que poderá sacar á rúa os seus xenerais e os seus correos. Dende as Bibliotecas quere suxerir algúns títulos que poden servir de complemento a estas datas pensando n@s máis pequen@s.

Entroido en Teo

Entroido en Teo

Por suposto, debemos comezar pola aventura protagonizada polos coñecidos irmáns no noso Concello, onde debuxados polo lapis de Pepe Carreiro percorreron Teo para vivir o noso Entroido e participar nun divertido

atranque. Seguro que fará desfrutar aos máis pequen@s da casa (e tamén aos maiores).

 

Teo se disfraza

Teo se disfraza

¡Chegou o Entroido! Teo e os seus amigos preparan os disfraces. Teo se disfraza de galo, pero ten tan mala sorte que lle cae enriba un bote de pintura e se mancha da cabeza aos pes. Menos mal que tía Rosa está preto e ten solución para todo: o disfraz de galo convirtese nun disfraz de espantallo. Os nenos acoden cos seus disfraces ao desfile de entroido.Teo descobre o mundo é unha ampla colección na que Teo presenta diferentes escenas da vida cotidiá. Da man de Teo, o neno poderá identificarse cos diversas situacións, e revivirá o mundo que o rodea.
Todolos títulos da colección teñen unha guía didáctica destinada a entreter ao neno á vez que estimula a súa curiosidade e creatividade.

 

Mini en Carnaval

Mini en Carnaval

A Mini gustalle ir ó colexio, pero gustarialle moito máis se Cornelio non se rira dela nin a chamara ‘‘larguirucha’‘. Se achegan as festas de entroido e Maxi ten unha estupenda idea.

 

 

 

 

 

 

Os Bolechas van de Entroido

Os Bolechas van de Entroido

Nesta aventura, a familia Bolechas preparase para a súa particular celebración do Entroido

 

 

 

 

 

 

El Carnaval de los animales

 

El Carnaval de los animales

Unha colección para ler e escoitar coa mellor música para nenos, xovenes e maiores. O volume inclúe CD.

¡Chegou o Entroido! ¡O nunca visto e oído! ¡É o ano das feras!
Versión ao castelán e tratamento didáctico de Fernando Palacios con música de Camille Saint-Saëns. as ilustracións son  de Laura Terré.

Agardamos que vos gusten e sobre todo… A DESFRUTAR DO ENTROIDO!!

Read Full Post »

O próximo sábado 12 de febreiro ás 18:00 horas no Centro Sociocultural da Ramallosa, poderedes desfrutas do concerto- espectáculo infantíl A Nena e o

A Nena e o Grilo

Grilo. Este espectáculo pertence á campaña En clave de conto que OQO editora realiza para o programa Bocaberta da Secretaría Xeral de Política Lingüística en colaboración co Concello de Teo.

As 10 primeiras familias que cheguen ao concerto do día 12 poderán anotarse gratuitamente no obradoiro Eu falo así. O obradoiro parte da canción “Cri-cri”, do disco A nena e o grilo, para identificar as distintas linguas nas que se canta o tema (inglés, francés, portugués, castelán, éuscaro…) e o seu idioma principal, o galego. Está pensado para nen@s de entre 3 e 5 anos.

Read Full Post »

Segunda parte das suxerencias de lecturas con tema navideño, neste caso pensadas para os pequenos da casa:

Noite de Reis en Kalpankalá

Aquel Nadal do derradeiro ano do século ía ser diferente para todos os nenos da cidade de Viladeteixo tanto para os barrios máis ricos coma para os dos barrios máis pobres. Kalpankalá. Papá Noel e os Reis Magos son vítimas dun estraño roubo, que só pode ser resultado dunha das xenialidades da avoíña estrafalaria coñecida por todos co alcume de Rosana Patacola.

Os Bolechas festexan o Nadal

A famila Bolechas prepárase para poder celebrar as festas do Nadal por tódolo alto procurando que non se escape ningún detalle. Descubre como colocan a árbore de Nadal, as trasnadas que acontecen na cea o cómo reciben a visita de Papa Noel cos seus agasallos. Algún dos Bolechas terán este ano carbón por portarse mal?. Para averigualo teredes que ler esta aventura desta singular familia…

Kika superbruxa e o feitizo do Nadal

Que te divirtas con Kika Superbruxa! Desde que un bo    día atopou un libro de maxia a carón da súa cama, a Kika encántalle facer feitizos, aínda que a verdade é que ás veces os seus esconxuros teñen consecuencias inesperadas. Que emoción! O Nadal está a piques de chegar! Pero cando Kika comproba que por todas as partes aparece calquera cousa menos o espírito do Nadal, leva unha boa decepción… A xente só pensa en mercar, mercar e mercar, e todo o mundo está nervioso, antipático e de mal humor! Cómo é posible?Menos mal que Kika ten un plan: Un verdadeiro feitizo do Nadal!

Read Full Post »

Antes de nada felicitar as festas a tod@s e desexarvos o mellor para o ano que entra. Dende as nosas bibliotecas deixamosvos estas propostas de obras relacionadas dunha maneira ou outra con estas datas para tódalas idades….

Noite de reis; A tempestade / William Shakespeare

Na divertida comedia Noite de reis, escrita probablemente nos inicios do século XVII, William Shakespeare emprega recursos  moi propios da época, coma os disfraces e os malentendidos, coa habilidade do mestre que sabe manexar o azar e o enredo á perfección para lograr engaiolar ao seu público. A tempestade, que forma parte do mesmo volume, é a derradeira e xenial peza do autor. Intensa e máxica parábola sobre os enigmas da existencia, posúe unha significación que transcende a mesma realidade e é obra dun auténtico e inigualable poeta.

Cuento de navidad / Charles Dickens

Cuento de Navidad es sin dudas una de las obras clásicas de la literatura universal. Considerado el relato de la Navidad por excelencia existen multitud de ediciones. Una de las versiones más maravillosas es ésta en formato álbum, que cuenta con las extraordinarias ilustraciones de Roberto Innocenti. Las imágenes de Innocenti consiguen retratar magistralmente la época victoriana, añaden un especial atractivo a la ya de por sí recomendable lectura de la escalofriante y fantástica historia del avaro
Scrooge y su descubrimiento del espíritu navideño.
El niño Jesús ha nacido en Belén. El ángel Gabriel lo anuncia y todo el mundo quiere presentarse ante él para adorarlo.  Entre ellos, toda una legión de ángeles, representados por colores, que están deseando jugar con el pequeño.
Recreación del misterio, ideal para ser representada en Navidad o leída en cualquier época del año.
La musicalidad del verso, así como su perfecta construcción formal, facilitará el aprendizaje en el pequeño lector además de constituir en sí mismo un juego, apoyado por el colorismo de las divertidas imágenes.
Haberá máis propostas para os vindeiros días. Felices Festas e felices lecturas!!

Read Full Post »

Nestas datas estámonos a achegar ás festividades de Samaín (ou Halloween para os norteamericanos)  que  afondan as súas raíces na mesma orixe común, que non é outra que o Samhain celta que se celebraba hai varios centos de anos. Aínda que estas festas se volveron celebrar dende hai uns anos, hai relativamente pouco tempo que se recuperou o Samaín como tal sen a clara influencia estadounidense, pois está documentalmente probado que en Galicia se celebraba o Samaín celta ata fai tan só 30 anos. Sabemos tamén que os celtas desfrutaban dunha semana de festas adicadas ao Samaín e que remataba coa festa dos “espíritos” e que a tradición de tallar as cabazas está relacionada co culto á morte.De aí que o Samaín teña como claro emblema a cabaza e, en xeral, sexa tempo dado a contos de medo, lendas e demáis relatos terroríficos.

Por iso dende as Bibliotecas Municipais vos convidamos a que compartades algunha destas historias cos vosos amigos e sobre todo que pasedes un SAMAÍN DE MEDO!!!!! e para contribuir a isto decidimos preparar centros de interese nas nosas Axencias arredor desta festividade e unha palabra que vai ligada: O medo.

Así na Mediateca do Grilo poderedes ver penduradas do teito algunhas obras que cremos que poden ser un bó acompañamento nestas datas dende contos para nenos con monstros que están moi alonxados de dar medo ás máis terroríficas historias contemporáneas, pasando por clásicos da Literatura ou por lendas e historias da tradición oral. Agardemos que vos gusten e desfrutade deste Samaín.

Read Full Post »

Xa podedes consultar os boletíns de novidades en Infantíl deste mes de Outubro na Mediateca do Grilo. Agardamos que vos gusten. Solo tedes que premer nestes enlaces
http://es.calameo.com/read/000360611e5a2b2faa4b5
http://es.calameo.com/read/00036061129cb47bb9fa5
http://es.calameo.com/books/0003606119709ce103121

Read Full Post »

Ven de aparecer nas pantallas dos nosos cines unha nova versión  de Sherlock Holmes. Aínda non tivemos oportunidade de vela, pero polo que se pode ver nos avances da película parece estar máis próxima á estética dos cómics de superheroes que ao espírito que Arthur Conan Doyle deulle ao personaxe. Dende as Bibliotecas Municipais invitámosvos a que revisitedes as aventuras deste peculiar detective en papel, tal como as deixou o seu autor. Estamos seguros de que as desfrutaredes tanto ou máis que no seu formato audiovisual. Porque non hai dúbida que pese a tódolos anos pasados dende que saiu a rúa, Holmes segue a ter algo que atrapa a quen se acerca ao seu mundo, sen importar a idade que teña. Dende pequenos quixemos nalgún momento ter esa capacidade de deducción e non podiamos evitar o sentirnos un pouco como o seu inseparable Watson cando chegaba ao fondo dos misterios e pasaba a dar unha explicación que para nós semellaba fácil e obvia unha vez resolta. Sen dúbida esta estrea pode ser un bo pretexto para que todos os que coñeciamos a Holmes o recuperemos e todos aqueles que aínda non tiveron a oportunidade de lelo entren nese mundo de misterios con terribles cans, mentes malvadas ao servizo do crime e horas e horas dunha lectura que parece non deixarte marchar.

Así que aquí deixam0s algúns dos títulos que podedes ter á vosa disposición nas Bibliotecas Municipais. Agardamos a vosa visita:

Mediateca do Grilo

ALM Os Tilos

Read Full Post »

Despois dun tempo parados, recuperamos esta pequena grileira para dar a coñecer unha interesante actividade que terá lugar na Mediteca do Grilo. A cita será o día 30 ás 20:30. Trátase de conmemorar o Día Mundial da Non-Violencia e con este motivo o Departamento de Mocidade ve de

Pilulas contra a Guerra

programar unha selección de curtas que co nome xenérico de “Pilulas contra a

Guerra” fai unha selección de traballos con esta temática.

As curtas que se proxectarán levan por título:

Jingle Bells
Mi chiamo Seby
Pim, pam, pum
Campás
On the line

As  Bibliotecas Municipais únense a esta iniciativa e complementaremos estas curtas cunha selección de libros de Literatura infantíl e xuveníl baseada no libro de Xerais “A Memoria das guerras na Literatura Infantíl e Xuverníl en galego” e que tratan das consecuencias dos conflictos bélicos nos máis xovenes. A selección é a que segue:

O violín de Auschwitz

“O violín de Auschwitz” de Mª Angels Anglada

No campo de exterminio de Auschwitz, as condicións de vida son infrahumanas, os castigos e a morte son compañeiros habituais dos presos como Daniel, un rapaz moi novo, xudeu de Cracovia, que sobrevive a este inferno traballando de luthier. O comandante do campo, Sauckel afeccionado á música clásica descobre o auténtico oficio de Daniel e decide poñelo a proba: faralle construír un violín que ten que ser perfecto

O brillo dos elefantes

O brillo dos elefantes” de Fran Alonso

Un neno centroamericano vive nunha aldea de Matagalpa, coa súa nai e a avoa Mirta, nun fermoso país de lagos e volcáns. Na aldea onde viven a penas teñen para comer e unha guerra non declarada ameaza os campesiños. Taquín, o mestre dunha escola á que non vai ninguén, fai que o neno acabe por perderlle o medo á noite e descubra o sentido da vida

A serea do deserto

“A serea do deserto” de Xavier López Rodríguez

Tawala é unha rapaza saharauí que vén pasa-las vacacións en Galicia. Nunca vira un río nin o mar, pero aprende a nadar e tolea por estar sempre na auga. A nena que a acolle na súa casa ten unha dúbida: virá Tawala dunha raza de sereas? E outra: podería vivir unha sera no deserto do Sáhara?

Otma Nokolaievna

“Otma Nicolaievna” de Raquel Campos Pico

As vidas de catro grandes duquesas de Rusia, as fillas do tsar Nicolás II e da tsarina Alexandra F´odorvna, sempre estiveron rodeadas pou un halo de misterio que as envolve dende a súa fatídica morte, acontecida, xunto co resto da familia real, o 16 de xullo de 1918 en Jekaterimburgo. Ese misterio pálapase neste extraordinario relato, elaborado en base ós recordos persoais dunha das irmás, Olga, que se mesturan cos acontecementos políticos que rodearon a Revolución Rusa e que marcaron o devir dinha Europa inmersa nun conflicto sen precedentes.

O autor amosa aquí o mundo cotián da posguerra española nunha vila castelá á que van a segar os seitureiros galegos: un mundo cerrado e abafante con todo o peso do ceo enriba das persoas.

Tódolos portos se chaman Helena

“Tódolos portos se chaman Helena” de Joan Barril

Guillem vive en Bruxas, na casa de Pier, o mozo da súa nai, que deberá transportar na súa gabarra uns pianos antigos. Guillem acompañaraos neste percorrido ao corazón de Europa, a través dos seus ríos, dende Róterdam ao Mar Negro. Unha viaxe na que se producirá o nacemento do amor, o espertar dos sentidos, o espellismo do heroísmo e a presencia da música como grande cohesionadora de tódalas paisaxes da alma.

Reencontro

“Reencontro” de Fred Uhlman

O argumento desta novela céntrase na amizade entre dous mozos de dezaseis anos. Hans é fillo dun médico xudeu e Konradiné un aristócrata descendente dunha das familias máis vellas de Alemaña. As súas afinidades e o seu xeito de ver as cousas convérteos en amigos íntimos. Pero cando Hitler chega ó poder, Konradin entra no exército nazi e Hans ten que marchar de Alemaña.

Silencio no corazón

“Silencio no corazón” de Jaume Cela

Silencio no corazón é unha narración excelente sobre a Guerra Civíl, vista e vivida por dous amigos adolescentes que maduran e medran ó ritmo de tristes acontecementos da traxedia bélica que golpea duramente a maioría das familias da vila onde viven os protagonistas.

Memorias dun neno labrego

“Memorias dun neno labrego” de Xosé Neira Vilas

“Eu son Balbino. Un rapaz de aldea. Coma quen di un niguén. E ademais pobre”. Así comenzan os pensamentos do neno protagonista, no territorio limitado do mundo rural galego. Este é un texto clásico da literatura infantíl-xuvenil galega, con traduccións a diversas linguas e centos de milleiros de exemplares vendidos, incuestionado e verosímil testemuña literariadunha Galicia realmente existente

A pesca está no vento

“A pesca está no vento” de Xosé A. Ventoso Mariño

Co mar como refente constante transcorren as aventuras que marcan a fin da infancia de Nico, un neno galego de posguerra. Experiencias da vida cotiá, amargas, unhas veces, e cómicas, outras, ensaríllanse con historias misteriosas de meigas, santas compañas, covas de mouros, para espertar o protagonista da súa inxenuidade e contribuír a súa aprenndizaxe. Unha fermosa historia dun neno de mar, de onte, de hoxe e de sempre.

Sorrir en Frades

“Sorrir en Frades” de Siro López

O reencontro dun emigrante coa vila onde naceu e viviu a   infancia, permítelle lembra-las situacións máis curiosas e os personaxes máis divertidos. Un libro que recupera a Galicia rural dos anos cincuenta para pequenos e grandes con bo humor

Tempo rachado

“Tempo rachado” de Margot Chamorro

Aínda está moi viva entre nós a memoria da guerra civil, e tamén a dos longos e crueis anos de posguerra; unha época gris e amarga, sobre todo para quen tiveron que ver como os seus ideais quedaban esmagados. Ese é o tempo rachado do que se nos fala neste emotivo libro. Visto a través dos ollos dunha nena nacida nunha familia dos vencidos, é o relato testemuñal que, coa súa apaixoada sinceridade, nos chega directamente ao corazón.

Cando Hitler roubou o Coello Rosa

“Cando Hitler roubou o Coello Rosa” de Judith Kerr

Neste relato auotbográfico, Anna sente que lle roubaron bruscamente a súa infancia, o coello rosa de peluche, e vese na obriga de se incorporar ó complexo mundo de preocupacións e responsabilidades dos adultos.

Memorias dunha vaca

“Memorias de una vaca” de Bernardo Atxaga

Di La Vache qui Rit que neste mundo non hai cousa máis tonta que unha vaca tonto. E tódala vida de Mo consiste en amosarlle á súa amiga que ela, dende logo, a pesar de ser vaca – e non cabalo- non ten nin un pelo de parva. É unha vaca notablemente Omega e nda Alfa. E ten unha voz interior, e unha determinada maneira de entendela vida e… moitas, moitas gañas de vivir!

Pucho, habitador dos tellados

“Pucho, o habitador dos tellados” de Manuel Janeiro
-Ves Pucho, cantos tellados? Seica é o campo -dicía o pai    cando saían…

Un libro especial, para tod@s. Un libro para sempre… Manuel Janeiro crea un texto delicioso e entrañable, con    descripcións precisas e evocadoras. Paisaxes, emoción sentimentos e situacións xurden na imaxinación do lector grazas sensibilidade coa que o autor desgrana a vida do protagonista, víctima dun dos episodios -a dictadura- máis desgarradores da nosa historia. As ilustracións de Juan Ramón Alonso transpórtannos ao Madrid dos anos 50 e preséntannos a Pu cho risoño e inocente. O artista combina os seus debuxos a lapis con fotografías reais dos espazos nos que se ambienta a historia. O resultado é un t raballo creativo sinxelo e elegante, en consonancia coa calidade da obra literaria.

Read Full Post »

Estes días ven de estrearse nos cines a versión cinematográfica do clásico da literatura infantíl “Donde viven los monstruos”

"Donde viven los Monstruos" de Maurice Sendak

de Maurice Sendak, lectura máis que recomendable, e que está traducido ao galego pola Editorial Kalandraka. Pero non debe levar a engano a súa vinculación á Literatura Infantíl cando sentamos diante da grande pantalla. Sólo temos que mirar aos créditos para ver que a dirección corresponde a ese director de tan difícil catalogación como é Spike Jonze ( “Cómo ser John Malkovich” ou “Adaptation. El ladrón de orquideas”) para decatarnos que non imos ver unha película como as que normalmente nos bombardean os grandes estudos norteamericanos por estas datas. A versión de Jonze ten aspectos moito máis escuros que a obra literaria, cunha carga de profundidade que pode enganchar moito máis ao público maís adulto que aos máis pequenos da casa. En calquera caso, dende este Grileira recomendamos tanto esta versión cinematográfica como o orixinal en papel, que se dúbida é unha moi boa opción para estas datas. Buceando pola Rede atopamos esta montaxe coas ilustracións de Sendak que agardamos que desfrutedes  tanto coma nós.

Aproveitamos tamén para felicitar a todos estas Festas e desexar que no ano que ven se cumpran tódolos vosos desexos. Un saúdo dende o calorciño que temos nesta a vosa Grileira.

Read Full Post »

Older Posts »

Bibliotecas Municipais da Coruña

Benvido ao blog das nosas bibliotecas

A Grileira

Blog das Bibliotecas Municipais de Teo

WordPress.com

WordPress.com is the best place for your personal blog or business site.