Feeds:
Artigos
Comentarios

Archive for the ‘Outras actividades’ Category

Día 7. Dende A Ribeira-Cacheiras, traemos a Otilia Seijas, mestra, escritora e columinista en distintos xornais. Presentamos unha obra na que acheogouse á Literatura infantil da man de Ir Indo: “Cuentos de pocas lunas” formado por unha serie de relatos, distintos uns doutros, pero cunha temática en común: a Natureza

Otilia Seijas na Festa Dixital das Letras Teenses

Chegamos a metade da semana da Festa das letras dixitais teenses da man da Asociación Aspamite Asociación de Pais de Persoas con Diversidade Funcional de Teo que no mes de febreiro presentou o seu libro “NÓS”. Nesta terceira edición que publican recóllense unha compilatoria de relatos escolares a prol da inclusión e a diversidade social escritos en galego, que corresponden coas letras gañadoras dos Concursos literarios que se foron convocando nestes últimos sete anos. Este libro mostra a calidade literaria e artística cos debuxos na que os nenos e nenas expresan e transmiten sentimentos positivos , de sensibilización e recoñecemento social cara ao colectivo de Aspamite. Grazas a esta asociación por tantos anos de traballo para visualizarse e da que tanto aprendemos, e nos que día a día tentan de inculcar a normalidade dentro da diversidade, porque todos somos iguais e como eles dín “Somos capaces”.
Dentro de pouco podedes consultar este libro nas nosas bibliotecas, ou solicitar un exemplar poñendovos en contacto con a Aspamite a través do teléfono 629322601 ou do correo electrónico aspamite@aspamite.org

Read Full Post »

Día 6. Turno de Xosé María Lema Suárez, veciño do Sisto e historiador, etnógrafo e escritor. Nas nosas bibliotecas contamos cun importante fondo deste autor (moito doado polo propio Lema) das diversas temáticas que tratou. Hoxe recuperamos a súa obra en narrativa, Costa do solpor unha trepidante revisitación da Illa do Tesouro que foi merecente en 2014 do Premio da Crítica Galicia de creación literaria

Xosé María Lema na Festa Dixital das Letras Teenses

Contínuamos coa Festa dixital das Letras teenses e neste caso as letras veñen do CEIP A Ramallosa que paralelamente a actividade lectiva online que están a facer, realizan cousas tan produtivas no confinamento como este video-conto elaborado polo profesorado e alumnado do ciclo de Ed. Infantil titulado “O virus León”, moi bonito e interesante. Imos descubrilo…

 Tamén deixannos unha video-creación que fixo o profesorado e demais profesionais deste centro, que adicou ao alumnado e as familias do centro a causa do confinamento, para enviar ánimos o alumnado e sentirse máis cerca das familias que nunca. Aplauso grande para a familia dos ramalloseir@s!!!!!!

Read Full Post »

Día 5. Día 5. Dende Calo, hoxe traemos a Pilar Buela, escritora, historiadora e docente, cunha intensa actividade dende a directiva da Asociación A Oliveira para a Recuperación Histórica. No 2003 Sotelo Blanco publicou “Ácaros Verdes” que foi merecente do Premio Manuel Lueiro Rey de Novela Curta no 2003 e do Arcebispo San Clemente.O libro narra o que sucedeu no búnker de Hitler en Berlín coa Guerra a piques de rematar dende a perspectiva de dúas mulleres: Eva Braun e Magda Goebbels, as donas do nazismo -unha, exhibida como propaganda do réxime; outra, silenciada como un segredo do poder-, dúas vidas distintas e un mesmo destino. Pero, ¿que facían alí?, ¿que buscaban?, ¿que esperaban?, ¿que tortos camiños as conduciran a inmolarse xunto con Hitler e o seu lugartenente?. Podedes desfrutalo no fondo local das nosas bibliotecas

Hoxe nas Festa Dixital Teense acompáñannos as pandereteiras Aldomir da A.C. A Mámoa de Luou – Teo que interpretan a Xota de Camariñas adaptado coa axuda de Fernando Saavedra (@Nando Saa) os poemas galegos de Lorca. Unhas fermosas letras musicadas e cantadas na voz das pandereteiras de Aldomir.
https://www.facebook.com/acamamoa/videos/498969057220180/

Read Full Post »

Día 4. Turno para Antón Dobao, veciño dos Verxeis-Oza. Escritor , tradutor e cineasta, con traballos en poesía, narrativa e unha intensa labor como cineasta arredor do proxecto Un mundo de historias. Recurperamos do noso fondo local As ilusións estrañas, editado por Galaxia no 2014. “Os contos que forman este libro de Antón Dobao son diferentes entre si pero todos teñen en común unha arela por transitar zonas prohibidas. A perda é unha constante destes relatos, a sensación de final —case apocalíptica— é outra das atmosferas que pairan sobre As ilusións estrañas. Un xogo de luces e sombras que, ao esvaeceren, deixan á vista unha realidade distinta do que en principio aparentaba.
A fronteira entre o real e o imaxinario, ese territorio no que a realidade parece que perde a súa consistencia, é o lugar onde aniñan As ilusións estrañas.(Texto de Editorial Galaxia)”

Na festa das Letras tamén temos un oco para as letras musicais. Neste caso ven da man da Banda de Música de Calo , que durante esta situación excepcional continuou a súa andaina dende a casa, ensaio tras ensaio, e agasalláronos coa montaxe deste vídeo tan fermoso. Como ben din eles aínda estando lonxe estaban máis cerca que nunca, e compuxeron esta peza como un canto esperanzador que remata coas verbas de “Sentíndonos tran preto, aínda estando lonxe”. Moitas grazas e moita música.
https://www.facebook.com/BandaDeMusicaDeCalo/videos/888803544894042/.

Read Full Post »

Día 3 do repaso a autores e autoras teenses. Hoxe tócalle o turno a Gonzalo R. Mourullo. Natural de Balcaide, foi unha das figuras claves na Nova Narrativa Galega coas súas obras Nasce unha árbore e Memorias de Taíns, que marcan o inicio deste movemento. Deixou a literatura para centrarse na súa carreira que levouno a ser un xurista moi recoñecido. Traemos dende o fondo local das Bibliotecas Municipais de Teo, a reedición que Galaxia fixo das súas obras.

Gonzalo R. Mourullo na Festa Dixital das Letras Teenses

Dende a Festa das letras dixitais Teenses aproveitamos para felicitar hoxe e tódolos días do ano ás nais, avoas, bisavoas, madriñas, tías, e en xeral a todas aquelas mulleres que estiveron e están ao carón dos nosos nenos e nenas acompañándoos no seu día a día de crecemento persoal. A vosa educación é sen dúbida a mellor escola que un pode ter no camiñar da vida. Para celebrar este día queríamos regalarvos a calor das letras dunha nai teense Lola Fernández de Balcaide, que escribe, debuxa e conta contos para a súa pequena dende fai moitos anos para fomentarlle o gusto pola lectura e para que lle sirva para a súa educación. A súa filla Nerea, curiosamente naceu fai 12 anos no primeiro domingo maio no que se celebraba tamén o día da nai, e foi o mellor regalo que Lola puido ter na vida. Nerea medrou entre os contos e cantarelas de súa nai que pouco a pouco foron forxando nela esta habilidade de enfiar as letras e os debuxos para crear contos, historias, relatos … e que paseniñamente empezou a construír coa súa nai a catro mans. Nai e filla, tamén colaboran publicando os seus contos nun proxecto de Xavier Frías Conde, co fin de recadar fondos para a Casa Buho de Manabí (Ecuador) para converter un contenedor en biblioteca e sala de cinema para os cativos desa zona. Os seus microrrelatos pódense consultar no blog deste escritor: https://cantaelbuho.blogspot.com/…/03/seis-microcuentos.html.

Neste día tan especial queremos agasallarvos con dous microcontos da súa colección Érase unha vez… que son: Érase unha vez…unha noite e Érase unha vez…un barco

Agardamos que vos gusten e que os disfrutedes neste día tan especial

Read Full Post »

Día 2 do repaso dos nosos autores e das nosa autoras. Hoxe lembramos a Hilario Teo Ferreiro, narrador e poeta autodidacta de Cacheiras. Creador de innumerables cantares populares, poemas diversos e narracións curtas que recolleu nun libro editado por el mesmo baixo o nome de Historia dun Santo Novo e Outros Relatos, que podes consultar nas nosas bibliotecas https://catalogo-rbgalicia.xunta.gal/cgi-…/…/opac-detail.pl…

Hilario Teo Ferreiro na Festa Dixital das Letras Teenses

 

Día 2 de maio: Día Internacional contra o acoso escolar.
Dentro da Festa das letras dixitais teenses queremos conmemorar o Día Internacional contra o acoso escolar e para elo nada mellor que contar coa compañía teense de teatro profesional Redrum Teatrodos Tilos, que nos achega a lectura do conto publicado por eles mesmos A Nena Que Quería Navegar . Este conto forma parte do espectáculo do mesmo nome que levaron a escena, e que os nenos e nenas de Teo pudieron ver co seu profesorado pola semana en horario de mañán e coas súas familias pola tarde en máis dunha ocasión no Auditorio Constante Liste de Teo. Ademais moitos de vos tamén xa desfrutastes da lectura deste conto nas Bibliotecas de Teo. Dende a Concellaría de Cultura e Educación queremos berrar ben forte que o acoso “nin son cousas de nenos nin hai que aceptalas” e sumámonos a adicatoria que fai Redrum Teatro para todos os nenos e nenas de Teo e en especial a BolboreTea Fam Teenses Neurodiversidade
Texto: Alex Sampayo e Borja F. Caamaño
Ilustración: Rodrigo Chao
Intérpretes: Laura Míguez e Guillermo Carbajo

 

Read Full Post »

Ó longo deste mes imos facer un repaso por autores e autoras naturais do Concello de Teo ou que teñan vinculación con nós. Subiremos unha pequena ficha con datos biograficos e con obras que podedes atopar no fondo local para a súa consulta. Comezamos con Salvador García Bodaño, con residencia en Lampai. Saleintamos este volume que Xerais editara con “Ao pé de cada hora” e “Tempo de Compostela”. Como indican Ao pé de cada hora foi opera prima de García-Bodaño e este volume é unha magnífica ocasión para achegármonos á traxectoria poética de García-Bodaño que abala entre o intimismo de raizame existencialista, a liña amorosa, un lirismo elexíaco, a aproximación a diversas etapas da nosa literatura e máis unha crítica mordaz da sociedade urbana.

Salvador Gracía Bodaño na Festa Dixital das Letras Teenses


Incluimos tamén o seguinte enlace á Real Academia Galega que dentro do espazo ‘Unha palabra para don Ricardo‘, reune un conxunto de minipezas audiovisuais arredor da figura de Ricardo Carballo Calero que conforman un retrato colectivo do protagonista do Día das Letras Galegas 2020 e que abre con este vídeo de García-Bodaño
https://youtu.be/KZCa71JjU7A

En paralelo, iremos dando voz a Asociacións, organizacións do Concello. Arrancamos coas letras que as pandereteiras da Asociación Cultural Rosalia De Castro Cacheiras sementaron polo noso Concello en pleno confinamento. As pandereteiras desta asociación crearon estas coplas que se convirtirían no Himno Teense do COVID-19. Con esta iniciativa quixeron colaborar e amosar todo o seu apoio ás persoas que fan posible que o mundo non se pare, máis as que se quedan nas casas, e os que pasan por unha situación delicada. Hoxe queremos comezar este mes homenaxeándoas por crear esta beleza de peza que se convirteu nunha canción de alento para a nosa veciñanza. Damos as grazas a Asociación Cultural Rosalia De Castro Cacheiras a Cristina Moure Pascual , a Paula Bustelo Lueiro e a Montse Gsr , a Tomas Ageitos Fuentes , a Iria Mendez Neira e a Sandra Lodi
Noraboa polo traballo ben feito, e que a cultura non pare

Read Full Post »

A continuación imos comentar un pouco as actividades que teremos nesta Semana do Libro. Agardamos que sexan interesantes para vós e axuden a levar un pouco este mellor este confinamento:

ESCOITANDO LIBROS

Trátase dunha selección feita pola Bibliotecas Municipais de Teo de recursos en liña para poder escoitar audiolibros de balde. O audiolibro pode definirse como, en principio, a conversión dun libro en papel en formato de audio. esta definición queda un pouco curta, xa que unha das características principais deste cambio de formato é que quen narra non se limita a unha lectura lineal do texto e debe imprimir emocións á voz narradora polo que os ointes adquiren niveis de realismo e de emocións que superan a velos, por exemplo, os representados nunha pantalla. Tamén resulta de moita utilidade a persoas con dificultades co idioma, con problemas de aprendizaxe ou de comprensión lectora…. permitindo unha accesibilidade ás obras literarias que doutro xeito terían máis complicado. Tamén inclúe algúns formatos que, sen ser estrictamente audiolibros, están moi preto (por exemplo ficcións sonoras, nas que un cadro de actores a actrices interpretan un texto solo coa voz e recursos sonoros).

XOGO DA BATALLA: ¿QUE SABES DA BATALLA DE CACHEIRAS?

Xogo creado pola Aula de Informática do Concello de Teo para poñer a proba os vosos coñecementos sobre a Batalla de Cacheiras que conmemoramos na mesma data que o Día do Libro.

Podes acceder aquí 

SORTEO “CAL É O TEU LIBRO FAVORITO?”

Este sorteo farase toda a semana en colaboración coas librerías teenses a través da páxina de Facebook das Bibliotecas Municipais de Teo. Consiste en que cada persoa, familia ou neno ou nena a través da publicación “¿Cal é o teu libro favorito?” dean me gusta e o mesmo tempo escriban o nome do seu libro favorito cun pequeno comentario. Para poder participar tedes que ser veciños de Teo con residencia no Concello. Temos 12 libros a repartir (1 por participante) .Cando remate a semana, se hai máis participantes que libros farase o sorteo a través dunha ferramenta online de xeito trasparente, aleatorio e automático.Unha vez teñamos os gañadores, faremoslle chegar os libros á casa. Anímate a participar porque os libros están agardando polos seus gañadores para chegar nesta época do confinamento directamente das librerías participantes ás vosas casas.

Cal é o teu libro favorito?

CONTACONTOS FAMILIAR CON LOLA E NEREA (20 DE ABRIL)

Para abrir a Semana do Libro en Teo (“Un libro: unha aperta”), Lola e Nerea contan un dos primeiros contos nos que colaboraron . Lola é unha mamá veciña de Balcaide, que xunto coa súa filla teñen un proxecto de libros infantís e contacontos cunha forte mistura de contido didáctico e lúdico (algúns deles foron autoeditados para seren empregados como material na clase de infantil de Nerea) . Un dos seus contos foi presentado nun libro colectivo en Aveiro (Portugal).
Tamén colaboran nun proxecto de Xavier Frías Conde para recadar fondos mediante un libro solidario (O canto da coruja) para a Casa Búho de Manabí (Ecuador) para converter un contenedor en biblioteca e sala de cinema para os cativos da zona e, ademais, teñen publicados varios microrrelatos no blog do escritor que podedes consultar en https://cantaelbuho.blogspot.com/2020/03/seis-microcuentos.html.
Lola comezou a escribir e ilustrarlle os contos a Nerea cando aínda era moi pequena para fomentarlle o gusto pola lectura e que lle servisen, ao mesmo tempo, para a súa formación. En pouco tempo, a cativa comezou a colaborar no proxecto coas súas suxestións, ideas e correccións primeiro, e máis adiante, dunha forma más activa na creación a catro mans dos textos coas súa nai que segue ilustrando.

OBRADOIRO DE MARCAPÁXINAS CON DAVID ORIHUELA (21 DE ABRIL)

Vídeo tutorial a cargo do artista plástico David Orihuela. Explicará como crear un marcapáxinas, sinalador, punto de lectura ou separador para os más pequenos que nos servirá para manter o punto exacto onde queda detida temporalmente a lectura dun libro e así poder voltar con facilidade. Empregará materiais moi sinxelos e que as familias poden ter pola casa.

LECTURA DRAMATIZADA DE MARINA NIETO (22 DE ABRIL)

Marina Nieto, de Palabras Viva fará a lectura de “Conto de María”, relato pertencente a Xente no rodicio , escrito por Neira Vilas.

POSTA EN LIÑA DO LIBRO CONMEMORATIVO DO 170 ANIVERSARIO DA BATALLA DE CACHEIRAS (23 DE ABRIL)

Co gallo da celebración do Día do Libro e do Día da Batalla de Cacheiras subiremos á Rede a publicación do libro 170º aniversario da Batalla de Cacheiras, e acompañaremos isto cunha lectura dramatizada do texto Aniversario, que Manuel Murguía escribira no xornal La Oliva, por Marina Nieto de Palabras Vivas, e o vídeo “Conectando coa batalla” narrado por X. M. Lema.

PICTOCONTO CON DAVID ORIHUELA (24 DE ABRIL)

Da man do artista plástico e animador sociocultural David Orihuela teremos un pictoconto, no cal, a través de debuxos e ilustracións feitos en directo, contará como Gato Chiky quedou atrapado nunha pompa de moco que sae pola fiestra e comeza unha singular aventura

CONTACONTOS CON PAULA CARBALLEIRA (25 DE ABRIL)

A nosa veciña de Oza, a escritora, contadora e actriz Paula Carballeira ofreceranos un conto en liña titulado 400 camelos, adicado a tódalas familias de Teo. Unha adaptación libre dun texto do autor angolano José Eduardo Agualusa.

LECTURA TEATRALIZADA CON LOIS BLANCO (26 DE ABRIL)

Pechará a semana do libro o noso veciño, o escritor, director e actor Lois Blanco que fará a lectura dramatizada do texto “Sen ir máis lonxe” de Roberto Vidal Bolaño (autor, director e actor teatral galego pioneiro da dramaturxia profesional en Galicia)

Read Full Post »

A Concellería de Cultura e Educación de Teo, presenta este ano por mor das circunstancias especiais provocadas polo estado de Alarma, un programa a distancia, a través de medios telemáticos para a semana do libro con título “UN LIBRO UNHA APERTA”.

Dito programa abarcará dende o día 20 ata o 26 de abril, e contará con varias actividades que queren poñer en valor o Día do Libro, e o Día da Batalla de Cacheiras. No noso concello conmemóranse as dúas efemérides o día 23 de abril, por unha banda o día do Libro, e por outra o Día da Batalla de Cacheiras, por coincidir este día co comezo da Batalla.

Nunca antes fora tan necesario e fundamental celebrar este día dun xeito tan especial, debido ás circunstancias que están a acontecer, é agora cando lembramos a importancia dos libros nas nosas vidas, e onde cobran máis sentido que nunca, facendo comunidade, e conectando ás familias lectoras nunha época, na que a lectura axuda a paliar o illamento e a soidade.

Por este motivo, enmarcamos esta semana baixo o lema UN LIBRO UNHA APERTA, co que pretendemos simbolizar o poder da lectura nestes momentos, e transmitilo como unha caricia á alma das persoas e dos libros, como aperta que nos proporciona un refuxio e nos da afecto, consolo, e ao mesmo tempo nos da liberdade e alas á nosa imaxinación.

O programa levarase a cabo coa colaboración de varios escritores, contadores e persoas relacionadas co mundo do libro e das bibliotecas, así como cas librerías do Concello.

Nas  seguintes redes sociais iremos publicando e actualizando os contidos:

Facebook: https://www.facebook.com/bibliotecas.municipais.deteo

Twitter: https://twitter.com/bibliosteo

Youtube: https://www.youtube.com/channel/UCKBI95wPtlBXkUqYI-51i3A

Read Full Post »

Dentro do programa de actividades organizadas dende a Concellaría de Cultura do Concello de Teo, este setembro será de circo. Os venres que quedan do mes, no Centro Sociocultural da Ramallosa, poderemos desfrutar dos seguintes espectáculos:

  • 14 de setembro ás 19 horas o artista Manuel Lago presentará o seu espectáculo “Manicus” centrado nos malabares
  • 21 de setembro ás 19 horas será o turno de Fredi co seu “Circanelo”. Alfredo Pérez Muíño estudiou Educación Física especializándose en Ximnasia Artística. Tras quince meses de estudios en Madrid (Escola de Circo Carampa) viaxou por diferentes paises para continuar a sua formación como especialista en técnicas circenses, na Escola Nacional de Circo de Río de Janeiro, Escola de Circo Criollo de Bos Aires, Escola Nacional de Circo de Cuba e na Bont`s International Clown School en Ibiza. Ademáis participou en numerosos cursos de formación tanto a nivel artístico como docente.
    O teatro xestual, danza, acrobacia, malabares e outras disciplinas circenses como o mimo combinanse para crear una historia absurda, tola, sobre un artista coa intención de presentar o seu número a toda costa; e demostrar o seu amado público do que é capaz. No intento, ésta personaxe encontrarase cun montón de trabas que solucionará dunha forma un tanto particular, axudado, en ocasións, por a participación do público e dentro dun marcado rexistro clownesco. Obra gañadora do Festival Internacional de Clown (Festiclown 2006).
  • 28 de setembro ás 19 horas. Pecharemos con Pablo Trasno. Podes soñar coa maxia, a risa, a emoción e a tenrura que che transmite un espectáculo cheo de diferentes combinacións circenses creadas por este artista, Pablo Trasno. Capaz de facerte sorrir coas súas fazañas cómicas aparentemente improvisadas , capaz de facerte vibrar cos seus malabarismos traballados cunha técnica coidada, capaz de facerte voar cos seus números acrobáticos creados co esforzo dun adestramento físico constante e emocionarte ó remate do espectáculo polo humilde agradecemento sempre presente neste artista co seu público.
    Pablo Trasno, á marxe de ser un creador nato, esfórzase para que cada día o seu traballo avance buscando novas formas de expresión para o seu traballo. Integra circo, música, danza e teatro para despois mostralo sobre un escenario ou na rúa. Este último espazo é o preferido por Pablo pola súa proximidade co público e polo respecto que sente pola xente que camiña polas rúas e se paran a ver o que sucede nun círculo pechado onde se mostra a súa actuación.

Agardamos que vos guste…

Read Full Post »

« Newer Posts - Older Posts »

Bibliotecas Municipais da Coruña

Benvido ao blog das nosas bibliotecas

A Grileira

Blog das Bibliotecas Municipais de Teo

WordPress.com

WordPress.com is the best place for your personal blog or business site.