Feeds:
Artigos
Comentarios

Posts Tagged ‘Cine’

Xa podedes desfrutar cun dos libros que máis impacto está a ter, respaldado polo recente estreno da película.  Narra como unha guerra pola supervivencia deixa a Norteamérica dividida en 13 distritos controlados polo Capitolio, un lugar onde é posible ter todo o que un queira. Pero chegaron os Días Escuros, cando os distritos loitaron pola supervivencia e por saír da decadencia. O Capitolio, grazas as súas avanzadas tecnoloxías, consegue a sumisión de doce distritos e a aniquilación do decimoterceiro; e para que todo o mundo lembre que os Días Escuros non se deben repetir trae consigo “Los Juegos del Hambre”, unha sanguenta competencia na que un mozo e unja moza de cada distrito deben loitar a morte, sen normas: o que perde morre, o que gaña terá a fama de todo Panem e todas as riquezas inimaxinables.

Xa pasados setenta e catro anos dos Días Escuros, a xente de Panem está acostumada a traballar ata esgotarse e morrer, pero uns poucos valentes arriscanse a loitar e desafiar ao Capitolio; Katniss Everdeen, unha moza de 16 anos cruza todos os días a alambrada do Distrito 12 para cazar no bosque e comercializar as presas; a única saída para sobrevivir.

Na colleita dos participantes (ou tributos) dos septuaxésimo cuartos Xogos da Fame ofrecese voluntaria para salvar a súa irmá Prim dunha morte segura (quen sólo ten 12 anos); ela e o seu compañeiro de distrito, Peeta Mellark, se aventuran a unha area, onde poderían morrer en segundos: cada despiste é unha invitación á morte. Todo cambia cando Peeta e Katniss vense obrigados a finxir un amor para diversión do Capitolio, pero nun acto para quedar ambos superviventes, se ven vistos como iconas dos rebeldes. Ao chegar á area, os 24 competidores comezan unha loita de supervivencia onde solo un sobrevivirá.

Se queredes levar o libro, tédelo á vosa disposición na Mediateca do Grilo.

Advertisements

Read Full Post »

Iniciamos o regreso das mini-vacacións de Semana Santa con forzas renovadas… Esta semana teremos actividades culturais e deportivas interesantes, e tamén adianteremos algunha para vindeiras datas.

As silenciadas

Para comezar o venres 29 de abril ás 20:30, na Mediateca do Grilo, a Asociación A Oliveira proxectará o documental “As silenciadas” de Pablo Ces do que é director Pablo Ces, quen tamén elaborou o guión do filme, conxuntamente con Aurora Marco.
A profesora Aurora Marco levou adiante, durante cinco anos, un traballo de campo por toda Galicia, para coñecer de primeira man novas de mulleres, que foron protagonistas de feitos relacionados coa Guerra Civil de 1936 e coa guerrilla antifranquista. Se o franquismo intentou borrar da Historia os vencidos, no caso das vencidas, das mulleres, a nube que as oculta é, se cabe, moito máis espesa, nunha sociedade na que aínda campan os valores do machismo. Rachar este veo de silencio é o que se propuxo Aurora Marco coa súa investigación, que sairá en breve á luz, nun libro do que nos parece evidente o seu interese para todas e todos aqueles que queiran coñecer feitos históricos que se negaron, ocultaron ou manipularon.
Pablo Ces, o director, acompañou durante un ano a profesora Aurora Marco. Froito da colaboración entre eles os dous é o documental do que trata esta nota de prensa, que se vai proxectar en Teo o vindeiro 29 de abril. O filme achéganos a seis mulleres galegas, en representación doutras moitas, que deron soporte ao movemento guerrilleiro, e á represión que sufriron moitas por facelo. “É como unha película de espías pero a realidade, neste caso, supera a ficción”, explica o realizador, que defende que o papel deste colectivo foi “o máis importante e o máis perigoso” durante a represión. Temos a sorte de contar coa presenza de Pablo Ces, e tamén coa da profesora e investigadora Aurora Marco, que, neste acto, nos falarán deste filme e da memoria.

O Noso Gustok

Para o día 30, ás 21:30 horas, o Concello de Teo organiza este sábado “O noso Gustok”. Componentes das bandas da comarca de Compostela e do Concello interpretaran ” o seu xeito” as pezas máis emblemáticas do concerto de Woodstock do ano 1969. Todo isto nun enclave tan espectacular como é a carballeira de Francos.

O deporte queda para o día 1 de maio. O Concello de Teo recolle o testigo da Asociación Veciñal Raviña Valdés de Cacheiras e organiza a Carreira Pedestre Batalla de Cacheiras 2011 Concello de Teo que terá lugar o 1 de maio. Trátase dunha competición deportiva que se realiza dentro dos actos conmemorativos da Batalla de Cacheiras, que tivo lugar precisamente o 23 de abril de 1846.

A Concellería de Deportes organiza a carreira que contará co control técnico da Federación Galega de Atletismo (Delegación de Santiago). A proba, na que poderán participar atletas federados e non federados, comezará a partir das 11:00 horas e a secretaría da competición estará situada no Colexio da Ramallosa.

Para anotarse na carreira hai que enviar un correo electrónico a deportes@concellodeteo.com ou facelo persoalmente no departamento de Deportes municipal, na Casa do Concello -A Ramallosa-. Na inscrición hai que facer constar o nome e apelidos, data de nacemento completa, localidade de procedencia, clube e número de licenza federativa ou seguro escolar (se o ten), teléfono de contacto ou correo electrónico. O prazo para inscribirse remata o xoves 28 de abril ás 22:00 horas. Cabe destacar que non se admitirán inscricións fóra do prazo establecido ou o día da proba. Para ter máis información telefónica pódese usar o número 981 815 700 e porse en contacto cos técnicos de deportes municipais.

Carreira Pedestre Batalla de Cacheiras

A saída da carreira farase dende o CEIP da Ramallosa. A partir da categoría junior (atletas nados entre 1993 e 1989) o circuíto será de 10.500 metros aproximadamente. As categorías de atletas máis novos, pitufos, prebenxamín, benxamín, alevín, infantil -cadete- e xuvenil realizarán percorridos máis curtos que van entre o 200 metros e os 3.500 metros.

Sobre os premios e agasallos como norma xeral establécense para os tres primeiros clasificados das categorías participantes en mulleres e homes. Pero tamén haberá recoñecementos específicos para o participante máis novo e o máis veterano que rematen a carreira ou para o colectivo de Teo que achegue máis participantes ou o primeiro clasificado de Teo en cada categoría.

Firmas colaboradoras

O Concello agradece a colaboración de diversas firmas comerciais: Hotel Congreso, Restaurante San Martiño, Asador O Carmelo, Restaurante Novo Peteiro, Café-Bar Bustelo, Restaurante Canaletto, Casa Nerea, Casa Armando Blanco, Café-Bar Beto`s, Restaurante Pórtico, Restaurante Peteiro, Restaurante O Viñedo, Restaurante O Son do Miño, Restaurante Pazos Méndez, Parrillada A Doma, Café-Bar Santa Sede, Parrillada La Granja, Restaurante Avenida, Casa Neira e Café-Bar A Senra.

E queda un anuncio para próximas datas. O día 15 de maio, a Concellaría de Deportes organiza  unha ruta de sendeirismo que ten como protagonistas o río Ulla e os seus afluentes o río Pereiro e o Santa Lucía. A andaina percorre pola parte Sur do Concello con pequenas incursións nos Concellos de Vedra e A Estrada (xa en Pontevedra). Á marxe do patrimonio relacionado cos ríos coma as pontes (Ponte vella de Pontevea) e pontellas, pesqueiras, muiños… a ruta permitirá coñecer os sendeiristas dous pazos de gran valor patrimonial.

Sendeirismo á beira do Ulla

Por unha banda o Pazo do Noceda ou Casa dos Marqueses de Astariz en Santa María de Teo, onde se conta que tiveron lugar as primeiras xuntanzas plenarias do noso Concello, que adoptou o nome da citada parroquia. Neste pazo residiu a única familia con título nobiliar do Concello de Teo, os Marqueses de Astaríz. Un dos marqueses máis coñecidos foi D. Alejandro Torrado del Río, un dos alcaldes máis apreciados polos teenses (1924-1929). Un pazo que reflexa a influencia do barroco compostelá e lembra os pazos de Vedra, salienta o seu patio de armas, a súa galeria sobre pilastras e a súa gran cheminea.

Por outra banda, xa no Concello da Estrada e na parroquia de Couso imos visitar o pazo que mellor pode testemuñar -ademais de ser o máis antigo- o vello esplendor da nobreza das terras de Vea e a súas relacións co poder eclesiastico, o pazo de Maíndo. Foi construído no século XII, pero reedificado no século XVI, malia todo conserva restos da súa primitiva fábrica románica coma os arcos de entrada con varios escudos nobiliares. Coa súa reconstrucción perde o seu caracter de fortaleza militar e muda nunha casa grande de labranza onde residían os administradores do Pazo. Estivo vencellado os linaxes dos Bendaña e posteriormente cos Reino, Castro e Ximonde. Sábese que o Bispo de Mondoñedo, Alvaro Núñez de Isorna e Bendaña pasou a controlar a torre por concesión do arzobispado de Compostela. Tralo dominio dos Suárez de Reino, foi tamén a primeira residencia do Capitán Xeneral do reino de Galicia, Pedro de Cisneros, chegado de Castela. Finalmente no século XVII a través de varios enlaces familiares o pazo chega o control dos Ximonde (que residian no pazo de Ximonde en Vedra pero tiñan administradores no Pazo para o control das pesqueiras do Ulla). Como fito curioso sinalar que foi a residencia elexida polo xeneral Francisco Franco para aloxarse durante as súas visitas o Couto de Pesca do Couso. Na actualidade pertence a familia Lissarrague. O pazo pertence a parroquia do Couso onde naceu segundo a lenda a famosa bandoleira galega Pepa a Loba.

No camiño de regreso destacan a igrexa de San Cristovo de Reis, que aínda conserva algúns vestixios da primitiva construcción románica na súa ábsida rectangular, as casas grandes das aldeas de Valiñas, Pazos e o Calvario, as vistas do Pico Sacro e os castros de Lucí e de Santa Marta (na primeira parte do percorrido pasamos a rentes da súa muralla), o cruceiro de Samar, os muiños de Piñeiro e Freixeiro, etc…

Salientar tamén que a andaina atravesa espazos naturais protexidos polo actual PXOM (carballeira de Agromaior), e áreas de lecer coma a da Burga de Xermeade (fonte de augas sulfurosas) e a famosa área do Xirimbao coa súa ponte colgante.

Read Full Post »

Nestes días saltou á prensa unha nova que parecía ser un paso de xigante no campo da Exiptoloxía e no dos estudos históricos en xeral: a exiptóloga dominicana Kathleen Martínez cre ter atopado a que puidera ser a tumba da Raíña Cleopatra e Marco Antonio. De ser certo, hai quen afirma que este descubrimento pode ter unha repercusión semellante á que tivo Howard Carter ao atopar á de Tutankamon en 1922.

Pero deixando aparcados estes intereses históricos, nas Bibliotecas Municipais de Teo gústanos centrarnos en Cleopatra como personaxe tanto literario como cinematográfico. Porque non hai dúbida que a súa figura serviu de inspiración a escritores, pintores, directores… que buscaron reflexala den de distintas visións. Como esquecer a historia de amor na pantalla encarnada por Elizabeth Taylor no film de Joseph L. Mankiewicz ou a recreación da mesma historia de amor escrita por Terenci Moix en “No digas que fue un sueño”. Mais probablemente o primeiro achegamento á Raíña de Exipto de moitos de nós veu pola banda deseñada no álbum das aventuras dos máis famosos galos en “Asterix e Cleopatra”. Por todo este misterio que envolve a Cleopatra e a todo o Antigo Exipto decidimos crear un centro de interese centrado nesta cultura con aquelas obras que consideramos poden ser do interese de ususarios de distintas idades. Así, na Mediteca do Grilo recomendamos:

Tamén hai á disposición dos nosos usuarios números da revista “Arqueología” na que se abordan temas relacionados co Antigo Exipto dende diversos puntos de vista.

Agardamos que esta proposta sexa do voso agrado e non dubidedes en consultar ó noso persoal sobre outras obras relacionadas co tema.

Read Full Post »

Ven de aparecer nas pantallas dos nosos cines unha nova versión  de Sherlock Holmes. Aínda non tivemos oportunidade de vela, pero polo que se pode ver nos avances da película parece estar máis próxima á estética dos cómics de superheroes que ao espírito que Arthur Conan Doyle deulle ao personaxe. Dende as Bibliotecas Municipais invitámosvos a que revisitedes as aventuras deste peculiar detective en papel, tal como as deixou o seu autor. Estamos seguros de que as desfrutaredes tanto ou máis que no seu formato audiovisual. Porque non hai dúbida que pese a tódolos anos pasados dende que saiu a rúa, Holmes segue a ter algo que atrapa a quen se acerca ao seu mundo, sen importar a idade que teña. Dende pequenos quixemos nalgún momento ter esa capacidade de deducción e non podiamos evitar o sentirnos un pouco como o seu inseparable Watson cando chegaba ao fondo dos misterios e pasaba a dar unha explicación que para nós semellaba fácil e obvia unha vez resolta. Sen dúbida esta estrea pode ser un bo pretexto para que todos os que coñeciamos a Holmes o recuperemos e todos aqueles que aínda non tiveron a oportunidade de lelo entren nese mundo de misterios con terribles cans, mentes malvadas ao servizo do crime e horas e horas dunha lectura que parece non deixarte marchar.

Así que aquí deixam0s algúns dos títulos que podedes ter á vosa disposición nas Bibliotecas Municipais. Agardamos a vosa visita:

Mediateca do Grilo

ALM Os Tilos

Read Full Post »

Despois dun tempo parados, recuperamos esta pequena grileira para dar a coñecer unha interesante actividade que terá lugar na Mediteca do Grilo. A cita será o día 30 ás 20:30. Trátase de conmemorar o Día Mundial da Non-Violencia e con este motivo o Departamento de Mocidade ve de

Pilulas contra a Guerra

programar unha selección de curtas que co nome xenérico de “Pilulas contra a

Guerra” fai unha selección de traballos con esta temática.

As curtas que se proxectarán levan por título:

Jingle Bells
Mi chiamo Seby
Pim, pam, pum
Campás
On the line

As  Bibliotecas Municipais únense a esta iniciativa e complementaremos estas curtas cunha selección de libros de Literatura infantíl e xuveníl baseada no libro de Xerais “A Memoria das guerras na Literatura Infantíl e Xuverníl en galego” e que tratan das consecuencias dos conflictos bélicos nos máis xovenes. A selección é a que segue:

O violín de Auschwitz

“O violín de Auschwitz” de Mª Angels Anglada

No campo de exterminio de Auschwitz, as condicións de vida son infrahumanas, os castigos e a morte son compañeiros habituais dos presos como Daniel, un rapaz moi novo, xudeu de Cracovia, que sobrevive a este inferno traballando de luthier. O comandante do campo, Sauckel afeccionado á música clásica descobre o auténtico oficio de Daniel e decide poñelo a proba: faralle construír un violín que ten que ser perfecto

O brillo dos elefantes

O brillo dos elefantes” de Fran Alonso

Un neno centroamericano vive nunha aldea de Matagalpa, coa súa nai e a avoa Mirta, nun fermoso país de lagos e volcáns. Na aldea onde viven a penas teñen para comer e unha guerra non declarada ameaza os campesiños. Taquín, o mestre dunha escola á que non vai ninguén, fai que o neno acabe por perderlle o medo á noite e descubra o sentido da vida

A serea do deserto

“A serea do deserto” de Xavier López Rodríguez

Tawala é unha rapaza saharauí que vén pasa-las vacacións en Galicia. Nunca vira un río nin o mar, pero aprende a nadar e tolea por estar sempre na auga. A nena que a acolle na súa casa ten unha dúbida: virá Tawala dunha raza de sereas? E outra: podería vivir unha sera no deserto do Sáhara?

Otma Nokolaievna

“Otma Nicolaievna” de Raquel Campos Pico

As vidas de catro grandes duquesas de Rusia, as fillas do tsar Nicolás II e da tsarina Alexandra F´odorvna, sempre estiveron rodeadas pou un halo de misterio que as envolve dende a súa fatídica morte, acontecida, xunto co resto da familia real, o 16 de xullo de 1918 en Jekaterimburgo. Ese misterio pálapase neste extraordinario relato, elaborado en base ós recordos persoais dunha das irmás, Olga, que se mesturan cos acontecementos políticos que rodearon a Revolución Rusa e que marcaron o devir dinha Europa inmersa nun conflicto sen precedentes.

O autor amosa aquí o mundo cotián da posguerra española nunha vila castelá á que van a segar os seitureiros galegos: un mundo cerrado e abafante con todo o peso do ceo enriba das persoas.

Tódolos portos se chaman Helena

“Tódolos portos se chaman Helena” de Joan Barril

Guillem vive en Bruxas, na casa de Pier, o mozo da súa nai, que deberá transportar na súa gabarra uns pianos antigos. Guillem acompañaraos neste percorrido ao corazón de Europa, a través dos seus ríos, dende Róterdam ao Mar Negro. Unha viaxe na que se producirá o nacemento do amor, o espertar dos sentidos, o espellismo do heroísmo e a presencia da música como grande cohesionadora de tódalas paisaxes da alma.

Reencontro

“Reencontro” de Fred Uhlman

O argumento desta novela céntrase na amizade entre dous mozos de dezaseis anos. Hans é fillo dun médico xudeu e Konradiné un aristócrata descendente dunha das familias máis vellas de Alemaña. As súas afinidades e o seu xeito de ver as cousas convérteos en amigos íntimos. Pero cando Hitler chega ó poder, Konradin entra no exército nazi e Hans ten que marchar de Alemaña.

Silencio no corazón

“Silencio no corazón” de Jaume Cela

Silencio no corazón é unha narración excelente sobre a Guerra Civíl, vista e vivida por dous amigos adolescentes que maduran e medran ó ritmo de tristes acontecementos da traxedia bélica que golpea duramente a maioría das familias da vila onde viven os protagonistas.

Memorias dun neno labrego

“Memorias dun neno labrego” de Xosé Neira Vilas

“Eu son Balbino. Un rapaz de aldea. Coma quen di un niguén. E ademais pobre”. Así comenzan os pensamentos do neno protagonista, no territorio limitado do mundo rural galego. Este é un texto clásico da literatura infantíl-xuvenil galega, con traduccións a diversas linguas e centos de milleiros de exemplares vendidos, incuestionado e verosímil testemuña literariadunha Galicia realmente existente

A pesca está no vento

“A pesca está no vento” de Xosé A. Ventoso Mariño

Co mar como refente constante transcorren as aventuras que marcan a fin da infancia de Nico, un neno galego de posguerra. Experiencias da vida cotiá, amargas, unhas veces, e cómicas, outras, ensaríllanse con historias misteriosas de meigas, santas compañas, covas de mouros, para espertar o protagonista da súa inxenuidade e contribuír a súa aprenndizaxe. Unha fermosa historia dun neno de mar, de onte, de hoxe e de sempre.

Sorrir en Frades

“Sorrir en Frades” de Siro López

O reencontro dun emigrante coa vila onde naceu e viviu a   infancia, permítelle lembra-las situacións máis curiosas e os personaxes máis divertidos. Un libro que recupera a Galicia rural dos anos cincuenta para pequenos e grandes con bo humor

Tempo rachado

“Tempo rachado” de Margot Chamorro

Aínda está moi viva entre nós a memoria da guerra civil, e tamén a dos longos e crueis anos de posguerra; unha época gris e amarga, sobre todo para quen tiveron que ver como os seus ideais quedaban esmagados. Ese é o tempo rachado do que se nos fala neste emotivo libro. Visto a través dos ollos dunha nena nacida nunha familia dos vencidos, é o relato testemuñal que, coa súa apaixoada sinceridade, nos chega directamente ao corazón.

Cando Hitler roubou o Coello Rosa

“Cando Hitler roubou o Coello Rosa” de Judith Kerr

Neste relato auotbográfico, Anna sente que lle roubaron bruscamente a súa infancia, o coello rosa de peluche, e vese na obriga de se incorporar ó complexo mundo de preocupacións e responsabilidades dos adultos.

Memorias dunha vaca

“Memorias de una vaca” de Bernardo Atxaga

Di La Vache qui Rit que neste mundo non hai cousa máis tonta que unha vaca tonto. E tódala vida de Mo consiste en amosarlle á súa amiga que ela, dende logo, a pesar de ser vaca – e non cabalo- non ten nin un pelo de parva. É unha vaca notablemente Omega e nda Alfa. E ten unha voz interior, e unha determinada maneira de entendela vida e… moitas, moitas gañas de vivir!

Pucho, habitador dos tellados

“Pucho, o habitador dos tellados” de Manuel Janeiro
-Ves Pucho, cantos tellados? Seica é o campo -dicía o pai    cando saían…

Un libro especial, para tod@s. Un libro para sempre… Manuel Janeiro crea un texto delicioso e entrañable, con    descripcións precisas e evocadoras. Paisaxes, emoción sentimentos e situacións xurden na imaxinación do lector grazas sensibilidade coa que o autor desgrana a vida do protagonista, víctima dun dos episodios -a dictadura- máis desgarradores da nosa historia. As ilustracións de Juan Ramón Alonso transpórtannos ao Madrid dos anos 50 e preséntannos a Pu cho risoño e inocente. O artista combina os seus debuxos a lapis con fotografías reais dos espazos nos que se ambienta a historia. O resultado é un t raballo creativo sinxelo e elegante, en consonancia coa calidade da obra literaria.

Read Full Post »

Estes días ven de estrearse nos cines a versión cinematográfica do clásico da literatura infantíl “Donde viven los monstruos”

"Donde viven los Monstruos" de Maurice Sendak

de Maurice Sendak, lectura máis que recomendable, e que está traducido ao galego pola Editorial Kalandraka. Pero non debe levar a engano a súa vinculación á Literatura Infantíl cando sentamos diante da grande pantalla. Sólo temos que mirar aos créditos para ver que a dirección corresponde a ese director de tan difícil catalogación como é Spike Jonze ( “Cómo ser John Malkovich” ou “Adaptation. El ladrón de orquideas”) para decatarnos que non imos ver unha película como as que normalmente nos bombardean os grandes estudos norteamericanos por estas datas. A versión de Jonze ten aspectos moito máis escuros que a obra literaria, cunha carga de profundidade que pode enganchar moito máis ao público maís adulto que aos máis pequenos da casa. En calquera caso, dende este Grileira recomendamos tanto esta versión cinematográfica como o orixinal en papel, que se dúbida é unha moi boa opción para estas datas. Buceando pola Rede atopamos esta montaxe coas ilustracións de Sendak que agardamos que desfrutedes  tanto coma nós.

Aproveitamos tamén para felicitar a todos estas Festas e desexar que no ano que ven se cumpran tódolos vosos desexos. Un saúdo dende o calorciño que temos nesta a vosa Grileira.

Read Full Post »

Bibliotecas Municipais da Coruña

Benvido ao blog das nosas bibliotecas

A Grileira

Blog das Bibliotecas Municipais de Teo

WordPress.com

WordPress.com is the best place for your personal blog or business site.