Feeds:
Artigos
Comentarios

Posts Tagged ‘Día do Libro’

Bueno, gustarianos comezar pedindo desculpas polo tempo transcurrido dende o último post. Ás veces o día a día nas nosas bibliotecas fai que sexa difícil poder reunirnos nesta grileira tanto como desexariamos. En calquera caso, e por iso de chamar ao bo tempo e á primaveira, deixamos atrás a fría cabeceira que acompañou todo o inverno e damos paso a esta alfombra de flores que amosa a arte que teñen na parroquia de Rarís.

E este é un bo día para volver a postear (xa existirá este palabro no diccionario?). Hoxe 23 de abril, día do Libro, no que por todas partes se organizan actos para festexar unha data tan significativa; pero dende as nosas bibliotecas gustarianos agradecer a todos os que vos achegades ás axencias do Concello a coller libros, os que nos comentades canto vos gustou ou disgustou determinada obra, os que pedides consello para atopar ese escritor que vos enganche ás súas letras… En definitiva agradecer a todos os nosos usuarios a súa colaboración e a súa paciencia cando nos trabucamos e a nosa promesa de tratar de mellorar. Seguiremos traballando entre todos para que os libros e a lectura siga a aumentar, da igual de que forma ou en que soporte.

Pero tamén chamounos hoxe a atención unha nova que aparecía en diversos medios: Suso de Toro deixará de ser escritor prosional. Así o decía no seu Blog. Dende logo sempre é unha mala nova cando un escritor decide deixar o seu oficio, e máis nun escritor da talla de Suso de Toro, que tantos bos libros leva escrito. Así que dende aquí queremos recomendar que revisitedes calquera das súas obras (ou as coñezades aqueles que aínda non o fixerades). Moitas delas podedes atopalas nas nosas axencias. E para despedír este post gustarianos deixar unha reflexión: Que se está a facer mal cando un escritor decide que xa non se atopa cómodo no mundo literario?. Haberá alguén que coñeza a resposta.

Libros de Susos de Toro nas nosas Axencias de Lectura:

Read Full Post »

Bibliotecas Municipais da Coruña

Benvido ao blog das nosas bibliotecas

A Grileira

Blog das Bibliotecas Municipais de Teo

WordPress.com

WordPress.com is the best place for your personal blog or business site.