ORDE DAS ARTES E AS LETRAS PARA JOSÉ LUIS SAMPEDRO

Hoxe na Biblioteca Nacional Sampedro recibirá esta distinción aos seus 94 anos pola la labor de la difusión da cultura e a imaxe de España no estranxeiro.Economista, escritor, catedrático de Estructura Económica, ex senador e membro da Real Academia Española dende 1990, José

José Luis Sampedro

Luis Sampedro (Barcelona, 1917) desenvolveu un intenso traballo. Salientamos algunhas das que fornecen os fondos das nosas axencias de lectura:
En novela:
Congreso en Estocolmo (1952)
El río que nos lleva (1961)
Octubre, octubre (1981)
La sonrisa etrusca (1985)
El amante lesbiano (2000)
Outros xéneros:
Conciencia del subdesarrollo (1973)
El mercado y la globalización(2002)

Read Full Post »

O Nadal en Teo

Como tódolos anos, nas Bibliotecas Municipais de Teo estamos a celebrar as Festas cunha serie de actividades. Por unha banda, na Mediateca do Grilo estamos a facer a nosa Árbore de Libros que preside a sala, decorada tamén polos debuxos de tódolos rapaces que queiran achegarse para facela máis vistosa. Este ano a estrela da Árbore non podía ser outra que o libro Entroido en Teo, no que a xa famosa familia Bolechas mergullase na celebración desta festa tan tradicional do noso Concello.

Árbore de Libros na Mediateca do Grilo

Tamén veñen de entregarse os premios ás mellores Postais de Nadal, na que os nosos rapaces demostran un ano tras outro o seu talento. Pero non rematan aquí as celebracións das Festas de Nadal no Concello. Ata o día 5 de xaneiro, en que terá lugar a recepción oficial dos Reis Magos no Pavillón da Ramallosa (ou mellor dito, no Pavillón Ezequiel Mosquera) desenvolveranse  moitos maís actos para públicos de tódalas idades, dos que daremos puntual información dende os nosos centros tanto físicos como virtuais. Estade atentos porque seguro que atoparedes algún que se adapte aos vosos gustos.

En todo caso, dende a Grileira queremos desexarvos a todos unhas Felices Festas e que o 2010 traia nos seus petos o cumprimento de tódolos voso desexos.

Read Full Post »