Feeds:
Artigos
Comentarios

Posts Tagged ‘Teatro’

IV MES DO TEATRO

A concellería de Cultura de Teo, dirixida por Carme Hermida, ultima este días os detalles do IV Mes do teatro que se desenvolverá durante o mes de outubro. Volve a apostar por unha programación continuada e variada de funcións teatrais. Este é o cuarto ano consecutivo que se realiza o Mes do teatro e nas anteriores edicións a resposta do público foi moi positiva. As actuacións serán todas no salón de actos do Centro Sociocultural da Ramallosa, o local máis axeitado pola súa capacidade e escenario para este tipo de eventos. Outra das características desta cita co teatro é que a programación busca a variedade e hai obras para un público familiar e outras funcións só para adultos.Este mesmo sábado comeza a programación desta actividade coa obra “Pes de lan” da compañía do mesmo nome, ás 18:30 horas. Trátase dunha obra dirixida a un público familiar.


Andaravía Teatro en Bos Aires

O venres 7 de outubro a compañía Andaravía Teatro, do veciño Concello de Vedra, presenta a obra “A cantante calva”. Trátase dunha peza dirixida a un público adulto polo que a actuación comezará ás 21:00 horas.

Vaia Tormenta, de Sapristi Teatro

Vaia Tormenta, de Sapristi Teatro

O venres 14 será outra vez o momento dos máis pequenos, que poderán desfrutar de Vaia tormenta” de Sapristri Teatro. Tendo en conta que o público desta función é familiar a hora á que comeza é as 18:30. O venres 21 Panamesiano Teatro ofrece a peza “Oh, que bonito é Panamá”, tamén para un público familiar, a partir das 18:30

horas.

O IV Mes do teatro pecha este ano o venres 28 ás 21:00 horas coa obra “O gordo e o calvo van ó médico” da compañía Os 7 magníficos + 1, esta vez destinada a un público adulto.

Advertisements

Read Full Post »

Adiantamos a programación cultural que se poderá desfrutar no Concello de Teo nos meses de Maio e Xuño.

Maio-Xuño Cultural

MAIO

  • Teatro para adultos: LIFE IS A PARIPÉ de Obras Públicas. (sábado 14, ás 21:00h no Centro Sociocultural da Ramallosa)

Espectáculo finalista na XIV edición do Premios Max representando á nosa comunidade na categoría do mellor espectáculo revelación. 2 Premios María Casares: á mellor actriz protagonista (Iolanda Muiños) e á mellor música orixinal (José Luis Prieto e Mos).

  • Andaina á beiras do Ulla (domingo 15 ás 10:00 h na Igrexa de Vilariño. Chegada ao mesmo punto á 17:30, aproximadamente).

Ruta ás Beiras do Ulla

O departamento de Deportes municipal organiza unha ruta de sendeirismo o próximo 15 de maio que terá como eixe central o río Ulla e os seus afluentes. A andaina é circular e está previsto percorrer unha distancia de algo máis de 22 quilómetros. A saída farase dende a igrexa de Vilariño, ás 10:00 horas e está previsto rematar sobre as 17:30 horas no mesmo punto.

Para participar nesta actividade non é preciso anotarse. Se decide participar a última hora é suficiente con que se achegue ó punto de saída o día e á hora prevista. Sen embargo dende o Departamento de Deportes recomendan comunicalo con antelación por teléfono (981 815 700) ou persoalmente na Casa do Concello na Ramallosa. A organización tamén informa de que os participantes deben levar a comida xa que se prevé parar na zona da Burga sobre as 14:00 horas para comer.

A ruta está planificada polo arquiveiro municipal, Pablo Sanmartín, unha das persoas que mellor coñece o rico patrimonio do Concello de Teo. Segundo explica el mesmo a ruta daralle protagonismo ó río Ulla e ós seus afluentes o río Pereiro e o Santa Lucía, e percorrerá o sur do Concello cun importante protagonismo de parroquias como Vilariño, Reis, Teo ou Lucí.

O responsable do arquivo municipal destaca que esta actividade permitiralle ós sendeiristas coñecer dous pazos de gran valor patrimonial. Un en Santa María de Teo, o Pazo de Noceda ou Casa dos Marqueses de Astariz, onde parece que tiveron lugar as primeiras xuntanzas plenarias do Concello. Neste pazo residiu ademais a única familia con título nobiliar de Teo, os Marqueses de Astariz, sendo un dos Marqueses alcalde teense entre os anos 1924 e 1929, D. Alejandro Torrado. Da arquitectura do pazo destaca o seu patio de armas, a súa galería sobre pilastras e a súa gran chimenea.

Durante a xornada a andaina fará incursións nos limítrofes concellos de Vedra e A Estrada. E será neste último, na parroquia de Couso, onde se poderá ver o pazo de Maíndo, o edificio que mellor pode testemuñar o esplendor da nobreza das terras de Vea. O pazo foi construído no século XII e reedificado no XVI pero aínda mantén restos da súa fábrica románica como os arcos da entrada con varios escudos nobiliarios.

A ruta deixará tempo tamén para ver a igrexa de San Cristovo de Reis, as casas grandes das aldeas de Valiñas, Pazos e o Calvario, as vistas do Pico Sacro ou os castros de Lucí e Santa Marta.

Actividade pensada para mozos e mozas a partir de 12 anos, a cargo de José Canosa (contrabaixista) e Juan Carlos Vázquez (pianista e compositor). A actividade comenza coa selección de textos poéticos rimados e con métrica de entres os libros dispoñibles na biblioteca. Unha vez elexidos musicaranse con acompañamento de piano, contrabaixo e as voces e as percusións dos participantes(os instrumentos de percusión serán facilitados polos músicos). Finalmente interpretaranse a xeito de concerto express. Para participar é necesario apuntarse previamente antes do 14 de maio directamente nas bibliotecas do Concello, no Departamento de Cultura ou chamando aos teléfonos 981 80 64 00 e 981 81 57 00(aforo limitado).

XUÑO

  • Programa Música nos Tilos: Najla Shami & Héctor Lorenzo (Venres 3 ás 22:30 horas no Parque dos Tilos)

Area e auga, de Teatro do Andamio

  • Programa Música nos Tilos: Jazzologia (venres día 10 ás 22:30 h no Parque dos Tilos)
  • Teatro Infantil-familiar: Leo e as estrelas de Zás-Candís! Teatro (sábado 11 ás 18:00 h no Centro Sociocultural da Ramallosa)
  • Programa Música nos Tilos: Aline Fraçao (venres 17 ás 22:30 h no parque de Os Tilos)
  • Contacontos Infantil: Contos que veñen de lonxe, de Vilano Produccións (sábado 18 ás 18:00 h na Mediateca do Grilo)
  • Programa Música nos Tilos: Xacobe Martínez Antelo Trío (venres 24 ás 22:30 h no Parque dos Tilos)

Read Full Post »

Padrón. Os camiños da cultura

Este sábado haberá dúas actividades na Casa Común de Os Tilos (ao lado da piscina municipal). Na sala de Actividades, o Concello de Teo co patrocinio da Xunta de Galicia e a Deputación da Coruña presenta a esposición “Padrón: Os camiños da cultura” na que través de 15 paneis e vitrinas, a se realiza un percorrido cronolóxico pola historia da vila e unha análise de cómo xorde a tradición xacobea nun concello que é punto de referencia neste aspecto, pois nel conflúen dous dos principais camiños de peregrinación a Santiago: o Portugués e o da Traslatio.

A exposición explica a …orixe do nome da vila no “pedrón” romano que aínda se conserva no baixo o altar maior da Igrexia de Santiago e no que, segundo conta a lenda, os discípulos de Santiago ataron a barca que traía o corpo do apóstolo dende Palestina, que comezou en Padrón a súa peregrinación por terra cara a Compostela.

Os visitantes poderán entender e afondar na relevancia deste feito a través da historia, da heráldica, e de diversos documentos como as Cartas de Privilexio que todos os reis, dende Fernando II ata Felipe V, concederon á vila padronesa por ser o lugar de amarre da Barca Apostólica.

A exposición permanecerá aberta en horario de 16:30 a 20:30 h dende o sábado 2 de abril ata o sábado 16.

Contos para un caldiño

 

 

Ás 17:30 horas do sábado 2 de abril os máis pequenos poderán desfrutar dunha sesión de contacontos infantil que leva por título “Contos para un caldiño” de Baobab Teatro.

Para máis información, contactar coa Concellaría de Cultura e deportes no teléfono 981 81 57 00

Read Full Post »

O próximo sábado 12 de febreiro ás 18:00 horas no Centro Sociocultural da Ramallosa, poderedes desfrutas do concerto- espectáculo infantíl A Nena e o

A Nena e o Grilo

Grilo. Este espectáculo pertence á campaña En clave de conto que OQO editora realiza para o programa Bocaberta da Secretaría Xeral de Política Lingüística en colaboración co Concello de Teo.

As 10 primeiras familias que cheguen ao concerto do día 12 poderán anotarse gratuitamente no obradoiro Eu falo así. O obradoiro parte da canción “Cri-cri”, do disco A nena e o grilo, para identificar as distintas linguas nas que se canta o tema (inglés, francés, portugués, castelán, éuscaro…) e o seu idioma principal, o galego. Está pensado para nen@s de entre 3 e 5 anos.

Read Full Post »

Como tódolos anos cando se achegan estas datas a Concellaría de Cultura e Deportes sumérxese de cheo no espírito navideño a través do NADALTEO. A continuación deixamos unha mostra das múltiples actividades para desfrutar dende xa e ata o 9 de xaneiro.

XANEIRO 2011

  • 2 de xaneiro. Xornadas de deporte en familia. Pista multideporte de Calo. A partir das 16:00 horas.
  • 3 de xaneiro. Teatro. Os 7 Magníficos+1 coa obra Mañá será outro día. Centro Sociocultural da Ramallosa. 20:00 horas. Público familiar
  • 5 de xaneiro. Cabalgata de Reis. Chegada á estación de Osebe e visita a Calo (local S.R), Pontevea (Local A Pontevella), Os Tilos (Centro Comercial), Cacheiras (local Rosalía de Castro) e recpción oficial no Pavillón Ezequiel Mosquera da Ramallosa.
  • 7 de xaneiro. Clausura das actividades de Diverteo. Colexio de Calo, Os Tilos e A Ramallosa
  • 8 de xaneiro. Teatro. A Contrabutaca Producións presenta A horta animada. Centro Sociocultural da Ramallosa. 18:00 horas. Público Infantil

Read Full Post »

Antes de nada felicitar as festas a tod@s e desexarvos o mellor para o ano que entra. Dende as nosas bibliotecas deixamosvos estas propostas de obras relacionadas dunha maneira ou outra con estas datas para tódalas idades….

Noite de reis; A tempestade / William Shakespeare

Na divertida comedia Noite de reis, escrita probablemente nos inicios do século XVII, William Shakespeare emprega recursos  moi propios da época, coma os disfraces e os malentendidos, coa habilidade do mestre que sabe manexar o azar e o enredo á perfección para lograr engaiolar ao seu público. A tempestade, que forma parte do mesmo volume, é a derradeira e xenial peza do autor. Intensa e máxica parábola sobre os enigmas da existencia, posúe unha significación que transcende a mesma realidade e é obra dun auténtico e inigualable poeta.

Cuento de navidad / Charles Dickens

Cuento de Navidad es sin dudas una de las obras clásicas de la literatura universal. Considerado el relato de la Navidad por excelencia existen multitud de ediciones. Una de las versiones más maravillosas es ésta en formato álbum, que cuenta con las extraordinarias ilustraciones de Roberto Innocenti. Las imágenes de Innocenti consiguen retratar magistralmente la época victoriana, añaden un especial atractivo a la ya de por sí recomendable lectura de la escalofriante y fantástica historia del avaro
Scrooge y su descubrimiento del espíritu navideño.
El niño Jesús ha nacido en Belén. El ángel Gabriel lo anuncia y todo el mundo quiere presentarse ante él para adorarlo.  Entre ellos, toda una legión de ángeles, representados por colores, que están deseando jugar con el pequeño.
Recreación del misterio, ideal para ser representada en Navidad o leída en cualquier época del año.
La musicalidad del verso, así como su perfecta construcción formal, facilitará el aprendizaje en el pequeño lector además de constituir en sí mismo un juego, apoyado por el colorismo de las divertidas imágenes.
Haberá máis propostas para os vindeiros días. Felices Festas e felices lecturas!!

Read Full Post »

Probablemente se fixeramos unha listaxe cos literatos máis famosos de tódolos tempos a nivel mundial, nos posto de cabeza aparecería William Shakespeare. A nivel popular calquera coñece algún título das súas obras (o que non quere dicir necesariamenta que a teña lido), foi levado ao teatro ou cinema en incontables ocasións con maior ou menor acerto… Entre estas obras seguramente sexa “Romeo e Xulieta” a que moitos darían como un dos títulos máis significativos no que a historias de amor se refire. E precisamente chama a atención unha nova aparecdida hoxe no diario El País co seguinte titular: ” Notas que viajan en el tiempo”. O artigo conta como milleiros de seguidores de Xulieta mandan as súas cartas á dirección desta en Verona contándolle as súas historias de amor. Deixando a un lado o que de recuperación do xénero epistolar ten este feito, non deixa de chamar a atención como un personaxe literario pode ter esa capacidade de chamada na realidade. Pero fora desta anécdota, a obra de Shakespeare non se fornece solo en protagonistas desta potencia, probablemente un dos seus grandes méritos sexa a galería de “secundarios” que pasean polas súas páxinas.

E é precisamante nestas figuras nas que Quico Cadaval e Mofa e Befa se apoian para levar adiante “Shakespeare para ignorantes” na que con maestría nos repasa de maneira particular esta galería de traidores, asasinos… que permite tamén, en certa forma repasar moita da psicoloxía humana. Así, Cadaval, na pel dun “experto shakesperiano” exerce de cicerone para repasar algúns pasaxes que son representados por Mofa e Befa. Temos pois unha proposta divertida e intelixente para ollar ás obras de Shakespeare dende unha óptica que nunca tiveramos pensado, e quizais para reflexionar un pouco sobre moitos dos comportamento que non están tan alonxados dos que nós temos na nosa realidade (aínda que con efectos no mellor dos casos moito menos teatrais).

Nada mellor que escoitar aos seus protagonistas para enterarnos un pouco máis do que poderemos desfrutar o venres 4 de xuño na Ramallosa (Teo):

En calquera caso, a nosa Rede de Bibliotecas quere axudarvos a coñecer un pouco máis (ou a revisitar) a este grande da Literatura, para o que recomendamos unha serie de títulos dos que dispoñemos nas nosas bibliotecas:

Read Full Post »

Bibliotecas Municipais da Coruña

Benvido ao blog das nosas bibliotecas

A Grileira

Blog das Bibliotecas Municipais de Teo

WordPress.com

WordPress.com is the best place for your personal blog or business site.